ಕರಾವಳಿಯಲ್ಲಿ ಗಾಳಿ-ಮಳೆ ಅಬ್ಬರ.. ಕೊಚ್ಚಿ ಹೋದ ಬಲೆ, ಬೋಟುಗಳು

ಕಾರವಾರ: ಉತ್ತರಕನ್ನಡದ ಕರಾವಳಿ ಭಾಗದಲ್ಲಿ ಕಳೆದೆರಡು ದಿನಗಳಿಂದ ಗಾಳಿ ಸಹಿತ ಮಳೆ ಅಬ್ಬರ ಜೋರಾಗಿದೆ. ಆರೆಂಜ್ ಅಲರ್ಟ್ ಘೋಷಿಸಿದ ಹಿನ್ನೆಲೆ, ಮೀನುಗಾರಿಕೆಗೆ ತೆರಳಿದ್ದ ಬೋಟುಗಳು ಸುರಕ್ಷಿತ ಪ್ರದೇಶಗಳಿಗೆ ವಾಪಸಾಗಿವೆ. ತಡರಾತ್ರಿ ಬೀಸಿದ ಭಾರಿ ಗಾಳಿಗೆ ಲಂಗರು ತುಂಡಾಗಿ ಎರಡು ಬೋಟ್​​ಗಳು ದಡಕ್ಕೆ ಅಪ್ಪಳಿಸಿವೆ. ಅಲ್ಲದೆ ಹಲವೆಡೆ ನಾಡ ದೋಣಿಗಳು ಸೇರಿ ಬಲೆಗಳು ನೀರಿನ ಸೆಳೆತಕ್ಕೆ ಕೊಚ್ಚಿ ಹೋಗಿವೆ.