ಕುಡಿದ ಮತ್ತಿನಲ್ಲಿ ಬೌನ್ಸ್​​​ ಬೈಕ್​ಗೆ ಬೆಂಕಿ ಇಟ್ಟ ರೌಡಿಶೀಟರ್ಸ್​... ಸಿಸಿಟಿವಿಯಲ್ಲಿ ಕೃತ್ಯ ಸೆರೆ

ಕುಡಿದ ಮತ್ತಿನಲ್ಲಿ ರೌಡಿಶೀಟರ್ಸ್​ಗಳು ಬೌನ್ಸ್​ ಬೈಕ್​ಗೆ ಬೆಂಕಿ ಹಾಕಿರುವ ಘಟನೆ ಬೆಂಗಳೂರಿನ ಯಲಹಂಕದ ಕೋಗಿಲು ಕ್ರಾಸ್ ಬಳಿ ನಡೆದಿದೆ. ನಿರ್ಮಾಣ ಹಂತದ ಕಟ್ಟಡದ ಬಳಿ ಬೌನ್ಸ್ ಬೈಕ್​​ ನಿಲ್ಲಿಸಲಾಗಿತ್ತು. ಇದೇ ವೇಳೆ ರೌಡಿಗಳು ಬೈಕ್​ಗೆ ಬೆಂಕಿ ಹಚ್ಚಿದ್ದಾರೆ. ಇನ್ನು ಬೆಂಕಿ ಹಾಕಿದ ತಕ್ಷಣ ಬೌನ್ಸ್ ಗಾಡಿ ಧಗಧಗ ಹೊತ್ತಿ ಉರಿದಿದೆ. ಈ ಕೃತ್ಯ ಸಿಸಿಟಿವಿಯೊಂದರಲ್ಲಿ ಸೆರೆಯಾಗಿದ್ದು, ಸಿಸಿಟಿವಿಯನ್ನ ನೋಡ್ತಿದ್ದಂತೆ ಇನ್ನೊಂದು ಮಾರ್ಗದಲ್ಲಿ ಪರಾರಿಯಾಗಿದ್ದಾರೆ. ಸದ್ಯ ಯಲಹಂಕ ಪೊಲೀಸ್ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದ್ದು, ಆರೋಪಿಗಳಿಗಾಗಿ ಶೋಧ ಮುಂದುವರೆದಿದೆ.