ಕಬ್ಬಿನ ಜ್ಯೂಸ್​ನಿಂದ ಮೊಡವೆ & ಕಲೆಗಳು ಹೋಗೋದರ ಜೊತೆಗೆ ಚರ್ಮವೂ ಕಾಂತಿಯುತವಾಗುತ್ತೆ: ತಜ್ಞರ ಸಲಹೆ

Sugar Cane Juice Benefits for Skin: ಕಬ್ಬಿನ ಜ್ಯೂಸ್​ನಿಂದ ಚರ್ಮ ಹಾಗೂ ಕೂದಲಿನ ಆರೋಗ್ಯ ಕಾಪಾಡಲು ಸಾಧ್ಯವಿದೆ. ನಿಯಮಿತವಾಗಿ ಕಬ್ಬಿನ ಜ್ಯೂಸ್ ಸೇವಿಸಿದರೆ ಮುಖ ಹೊಳೆಯುತ್ತದೆ ಎಂದು ತಜ್ಞರು ತಿಳಿಸುತ್ತಾರೆ.

Sugar Cane Juice Benefits for Skin: ಸುವಾಸನೆಯ ಜೊತೆಗೆ ಹಲವು ಪೋಷಕಾಂಶಗಳಿಂದ ತುಂಬಿರುವ ಕಬ್ಬಿನ ಜ್ಯೂಸ್​ ಸೇವನೆಯಿಂದ ಅನೇಕ ಆರೋಗ್ಯದ ಪ್ರಯೋಜನಗಳನ್ನು ದೊರೆಯುತ್ತವೆ. ಬೇಸಿಗೆಯಲ್ಲಿ ಕಬ್ಬಿನ ಜ್ಯೂಸ್​ನ್ನು ಹೆಚ್ಚಿನ ಪ್ರಮಾಣದಲ್ಲಿ ಸೇವಿಸಲಾಗುತ್ತದೆ. ಕಬ್ಬಿನ ಜ್ಯೂಸ್ ಆರೋಗ್ಯಕ್ಕೆ ಮಾತ್ರವಲ್ಲ, ಸೌಂದರ್ಯ ಹಾಗೂ ಕೂದಲಿನ ಆರೋಗ್ಯಕ್ಕೂ ಒಳ್ಳೆಯದು ಎಂದು ತಜ್ಞರು ಹೇಳುತ್ತಾರೆ.

ಕಬ್ಬಿನ ಜ್ಯೂಸ್​ನಿಂದ ಲಭಿಸುವ ವಿವಿಧ ಲಾಭಗಳು:

• ಚರ್ಮವನ್ನು ಕಾಂತಿಯುತವಾಗಿಸುವಲ್ಲಿ ಕಬ್ಬಿನ ರಸವು ತುಂಬಾ ಉತ್ತಮವಾಗಿದೆ. ಇದಕ್ಕಾಗಿ ಸ್ವಲ್ಪ ಮುಲ್ತಾನಿ ಮಿಟ್ಟಿಯನ್ನು ಕಬ್ಬಿನ ರಸದೊಂದಿಗೆ ಬೆರೆಸಿ ಪೇಸ್ಟ್ ಮಾಡಿ ಮುಖಕ್ಕೆ ಹಚ್ಚಿದರೆ ಚರ್ಮದ ಮೇಲಿನ ಕಪ್ಪು ಕಲೆಗಳು ನಿವಾರಣೆಯಾಗುತ್ತವೆ. ಈ ಪೇಸ್ಟ್​ನಲ್ಲಿರುವ ಸಂಯುಕ್ತಗಳು ಚರ್ಮದ ಕೋಶಗಳನ್ನು ಪುನರ್​ ಯೌವನಗೊಳಿಸುತ್ತವೆ ಎಂದು ತಜ್ಞರು ತಿಳಿಸುತ್ತಾರೆ.
• ಕಬ್ಬಿನ ರಸದೊಂದಿಗೆ ಸ್ವಲ್ಪ ಜೇನುತುಪ್ಪ ಮಿಕ್ಸ್​ ಮಾಡಬೇಕು. ಈ ಮಿಶ್ರಣದಿಂದ ಚರ್ಮದ ಮೇಲೆ ಕಾಲು ಗಂಟೆ ಮಸಾಜ್ ಮಾಡಬೇಕು. ಇದನ್ನು ಇಪ್ಪತ್ತು ನಿಮಿಷಗಳ ಕಾಲ ಹಾಗೆಯೇ ಬಿಟ್ಟು ನಂತರ ತೊಳೆಯಬೇಕಾಗುತ್ತದೆ. ವಾರಕ್ಕೆ ಎರಡು ಬಾರಿ ಹೀಗೆ ಮುಖದ ಚರ್ಮಕ್ಕೆ ಹಚ್ಚಿಕೊಳ್ಳುವುದರಿಂದ ತ್ವಚೆಯು ಮೃದುವಾಗುತ್ತದೆ ಎಂದು ತಜ್ಞರು ವಿವರಿಸುತ್ತಾರೆ.
• ಕಾಫಿ ಪುಡಿಗೆ ಸ್ವಲ್ಪ ಕಬ್ಬಿನ ರಸವನ್ನು ಮಿಶ್ರಣ ಮಾಡಬೇಕು. ಈ ಪೇಸ್ಟ್​ನ್ನು ಸ್ಕ್ರಬ್ ಆಗಿ ಬಳಸುವುದರಿಂದ ಚರ್ಮವು ಕಾಂತಿಯುತವಾಗುತ್ತದೆ.
• ಕಬ್ಬಿನ ರಸ, ನಿಂಬೆ ರಸ, ದ್ರಾಕ್ಷಿ ರಸ, ಸೇಬಿನ ರಸ, ತೆಂಗಿನ ಹಾಲು ಇವೆಲ್ಲವನ್ನೂ ಸಮಾನ ಪ್ರಮಾಣದಲ್ಲಿ ತೆಗೆದುಕೊಂಡು ಚೆನ್ನಾಗಿ ಮಿಶ್ರಣ ಮಾಡಿ ಚರ್ಮಕ್ಕೆ ಹಚ್ಚಿಕೊಳ್ಳಬೇಕು. ಹೀಗೆ ಮಾಡುವುದರಿಂದ ಚರ್ಮದಲ್ಲಿನ ಮೊಡವೆಗಳು, ಕಲೆಗಳು ನಿವಾರಣೆಯಾಗಿ ಚರ್ಮವು ಫಳ ಫಳ ಹೊಳೆಯುತ್ತದೆ.
• ಚರ್ಮ ಕಾಂತಿಯುತವಾಗಿಸಲು ಕಬ್ಬಿನ ರಸದಿಂದ ತಯಾರಿಸಿದ ಐಸ್ ಕ್ಯೂಬ್‌ಗಳನ್ನು ಬಳಸುವುದು ಸಾಮಾನ್ಯ ಐಸ್ ಕ್ಯೂಬ್‌ಗಳಿಗಿಂತ ಎರಡು ಪಟ್ಟು ಪರಿಣಾಮಕಾರಿ ಕೆಲಸ ಮಾಡುತ್ತದೆ.
• 'ಚರ್ಮದ ಶುಷ್ಕ ಅಥವಾ ನಿರ್ಜಲೀಕರಣ ಹಾಗೂ ಸ್ಥಿತಿಸ್ಥಾಪಕತ್ವಕ್ಕೆ ನೈಸರ್ಗಿಕ ಪರಿಹಾರವಾಗಿ ಕಬ್ಬಿನ ರಸ' (Sugarcane juice as a natural remedy for skin hydration and elasticity) ಎಂಬ ವಿಷಯದ ಕುರಿತು ನಡೆದ ಅಧ್ಯಯನದಲ್ಲಿ ಇದು ಸ್ಪಷ್ಟಪಡಿಸಲಾಗಿದೆ. 2019ರಲ್ಲಿ ಈ ಸಂಶೋಧನಾ ವರದಿಯು ಜರ್ನಲ್ ಆಫ್ ಕಾಸ್ಮೆಟಿಕ್ಸ್, ಡರ್ಮಟೊಲಾಜಿಕಲ್ ಸೈನ್ಸಸ್ ಮತ್ತು ಅಪ್ಲಿಕೇಶನ್ಸ್‌ನಲ್ಲಿ (Journal of Cosmetics, Dermatological Sciences and Applications) ಪ್ರಕಟಿಸಲಾಗಿದೆ (ವರದಿಗಾಗಿ ಇಲ್ಲಿ ಕ್ಲಿಕ್ ಮಾಡಿ).
• ಕಬ್ಬಿನ ರಸದೊಂದಿಗೆ ಪಪ್ಪಾಯಿ ತಿರುಳನ್ನು ಬೆರೆಸಿ ಹಚ್ಚಿಕೊಳ್ಳುವುದರಿಂದ ತ್ವಚೆಯು ಬಿಗಿಯಾಗುತ್ತದೆ ಎಂದು ತಜ್ಞರು ಹೇಳುತ್ತಾರೆ.
• 2 ಟೀಸ್ಪೂನ್​ ತುಪ್ಪವನ್ನು 4 ಟೀಸ್ಪೂನ್​ ಕಬ್ಬಿನ ರಸದೊಂದಿಗೆ ಸೇರಿಸಿ ಚರ್ಮಕ್ಕೆ ಮಸಾಜ್ ಮಾಡಿಕೊಂಡು ನಂತರ, ಸೂರ್ಯನ ಬೆಳಕಿಗೆ ಒಡ್ಡಿಕೊಂಡದರೆ, ಕಂದು ಬಣ್ಣಕ್ಕೆ ತಿರುಗಿದ ಚರ್ಮವು ಹೊಸ ಹೊಳಪನ್ನು ಪಡೆಯಲು ಸಾಧ್ಯವಿದೆ.
• ಒಂದು ಲೀಟರ್ ನೀರಿಗೆ ಒಂದು ಹಿಡಿ ಪುದೀನ ಎಲೆಗಳು ಹಾಗೂ ಕಾಲು ಲೀಟರ್ ಕಬ್ಬಿನ ರಸವನ್ನು ಸೇರಿಸಿ ಕುದಿಸಿಬೇಕಾಗುತ್ತದೆ. ಈ ಹಬೆಯನ್ನು ಉಸಿರಾಡುವುದರಿಂದ ತ್ವಚೆಯು ಸ್ವಚ್ಛವಾಗುತ್ತದೆ ಎಂದು ತಜ್ಞರು ಸಲಹೆ ನೀಡುತ್ತಾರೆ.
• ಇದರ ಜೊತೆಗೆ ಯಾವುದೇ ಪದಾರ್ಥಗಳನ್ನು ಸೇರಿಸದೆ ಮಲಗುವ ಮುನ್ನ ಪ್ರತಿದಿನ ರಾತ್ರಿ ಚರ್ಮಕ್ಕೆ ಶುದ್ಧ ಕಬ್ಬಿನ ರಸವನ್ನು ಹಚ್ಚುವುದರಿಂದ ಚರ್ಮವು ಆರೋಗ್ಯಕರ ಹಾಗೂ ಮೃದುವಾಗುತ್ತದೆ ಎಂದು ತಜ್ಞರು ತಿಳಿಸುತ್ತಾರೆ.
• ಕಬ್ಬಿನ ರಸವು ಚರ್ಮಕ್ಕೆ ಮಾತ್ರವಲ್ಲದೆ ಕೂದಲಿನ ರಕ್ಷಣೆಗೂ ತುಂಬಾ ಉಪಯುಕ್ತವಾಗಿದೆ.
• ಕಬ್ಬಿನ ರಸವನ್ನು ಕೂದಲಿಗೆ ಹಚ್ಚಿಕೊಂಡು ಒಂದು ಗಂಟೆಯ ನಂತರ ಬೆಚ್ಚಗಿನ ನೀರಿನಿಂದ ತೊಳೆದರೆ, ನಿಮ್ಮ ಒಣಗಿದ ಕೂದಲು ಮತ್ತೆ ರೇಷ್ಮೆಯಂತಹ ಹೊಳಪನ್ನು ಪಡೆಯುತ್ತದೆ. ಕಬ್ಬಿನ ರಸವನ್ನು ಕೂದಲಿಗೆ ನೈಸರ್ಗಿಕ ಕಂಡಿಷನರ್ ಆಗಿ ಬಳಕೆ ಮಾಡಬಹುದು ಎಂದು ತಜ್ಞರು ವಿವರಿಸುತ್ತಾರೆ.

ಹೆಚ್ಚಿನ ಮಾಹಿತಿಗಾಗಿ ಈ ವೆಬ್​ಸೈಟ್​ನ್ನು ವೀಕ್ಷಿಸಬಹುದು: https://pmc.ncbi.nlm.nih.gov/articles/PMC10778757/

ಓದುಗರಿಗೆ ಸೂಚನೆ : ಇಲ್ಲಿ ನಿಮಗೆ ನೀಡಿರುವ ಎಲ್ಲ ಆರೋಗ್ಯ ಮಾಹಿತಿ ಮತ್ತು ಸಲಹೆಗಳು ನಿಮ್ಮ ತಿಳಿವಳಿಕೆಗಾಗಿ ಮಾತ್ರ. ವೈಜ್ಞಾನಿಕ ಸಂಶೋಧನೆ, ಅಧ್ಯಯನಗಳು, ವೈದ್ಯಕೀಯ ಮತ್ತು ಆರೋಗ್ಯ ವೃತ್ತಿಪರ ಸಲಹೆ ಆಧರಿಸಿ ನಾವು ಈ ಮಾಹಿತಿ ನಿಮಗೆ ನೀಡಿದ್ದೇವೆ. ಆದರೆ, ಇವುಗಳನ್ನು ಅನುಸರಿಸುವ ಮೊದಲು ಪರಿಣಿತ ವೈದ್ಯರ ಸಲಹೆಯನ್ನು ತೆಗೆದುಕೊಳ್ಳುವುದು ಉತ್ತಮ.

ಇವುಗಳನ್ನೂ ಓದಿ: