ಬೆಳ್ಳಂಬೆಳಗ್ಗೆ ನಭಕ್ಕೆ ಜಿಗಿಯಲು ಸಿದ್ಧವಾಗಿದೆ ರಾಕೆಟ್​​ - 100ನೇ ಸಾಧನೆಗೆ ಒಂದೇ ಒಂದು ಹೆಜ್ಜೆ ದೂರದಲ್ಲಿದೆ ಇಸ್ರೋ

ISROs 100th Mission: ಇಸ್ರೋದ 100ನೇ ಮಿಷನ್​ ಸಿದ್ಧವಾಗಿದೆ. ಬುಧವಾರ ಬೆಳ್ಳಂಬೆಳಗ್ಗೆ ನಭಕ್ಕೆ ಹಾರಲು ರಾಕೆಟ್​ ತಯಾರಿಗೊಂಡಿದೆ. ಇದರ ಲೈವ್​ ಸ್ಟ್ರೀಮಿಂಗ್​, ಸಮಯ ಸೇರಿದಂತೆ ಇತ್ಯಾದಿ ವಿವರಗಳು ಇಲ್ಲಿವೆ.

ISROs 100th Mission: ಹಲವು ಮೈಲಿಗಲ್ಲುಗಳನ್ನು ಸಾಧಿಸಿರುವ ಭಾರತೀಯ ಬಾಹ್ಯಾಕಾಶ ಸಂಶೋಧನಾ ಸಂಸ್ಥೆ (ಇಸ್ರೋ) ಈಗ ಮತ್ತೊಂದು ಐತಿಹಾಸಿಕ ಸಾಧನೆಗೆ ಒಂದೇ ಒಂದು ಹೆಜ್ಜೆ ದೂರದಲ್ಲಿದೆ. ಇಸ್ರೋ ತನ್ನ ಮಹತ್ವಾಕಾಂಕ್ಷೆಯ 100ನೇ ಮಿಷನ್​ ಭಾಗವಾಗಿ GSLV (ಜಿಯೋಸಿಂಕ್ರೋನಸ್ ಸ್ಯಾಟಲೈಟ್ ಲಾಂಚ್ ವೆಹಿಕಲ್) -F15 ಎಂಬ ರಾಕೆಟ್ ಉಡಾವಣೆ ಮಾಡಲು ಸಜ್ಜಾಗಿದೆ. ಈ ರಾಕೆಟ್ ಬಾಹ್ಯಾಕಾಶಕ್ಕೆ ಹಾರಲು ಕೆಲವೇ ಗಂಟೆಗಳು ಬಾಕಿ ಉಳಿದಿವೆ.

ಬುಧವಾರ ದೇಶ ಮತ್ತು ಇಸ್ರೋಗೆ ವಿಶೇಷ ದಿನವಾಗಲಿದೆ. ಈ ದಿನ ಶ್ರೀಹರಿಕೋಟಾದಲ್ಲಿರುವ ಸತೀಶ್ ಧವನ್ ಬಾಹ್ಯಾಕಾಶ ಕೇಂದ್ರದಿಂದ (SDSC) ಇಸ್ರೋ ತನ್ನ 100 ನೇ ಉಡಾವಣೆ ಮಾಡಲಿದೆ. ಈ ಸಾಧನೆ ಮಾಡಲು ಇಸ್ರೋಗೆ 46 ವರ್ಷಗಳು ಬೇಕಾಯಿತು. ಆದರೆ ಮುಂದಿನ 100 ಉಡಾವಣೆ ತಲುಪಲು ಇಸ್ರೋಗೆ ಹೆಚ್ಚು ಸಮಯ ಬೇಕಾಗುವುದಿಲ್ಲ ಎಂದು ತಿಳಿದುಕೊಳ್ಳಬಹುದಾಗಿದೆ.

🌟 T-1 Day to launch! Witness the incredible journey of GSLV-F15/NVS-02 live!

📺 YouTube Link: https://t.co/SXo6F2PAHU (from 05:50 hours)
🗓️ Date: 29th January 2025 | Time: 6:23 Hours (IST)

Join us as we push the boundaries of space applications! 🚀

More information at:… pic.twitter.com/jnSzJ27pFo

— ISRO (@isro) January 28, 2025

ಆಗಸ್ಟ್ 10, 1979 ರಂದು ಇಸ್ರೋ ಉಪಗ್ರಹ ಉಡಾವಣಾ ವಾಹನ (SLV) ಅನ್ನು ಉಡಾವಣೆ ಮಾಡಿತು. ಈ ಮೊದಲ ಪ್ರಮುಖ ರಾಕೆಟ್ ಅನ್ನು ಶ್ರೀಹರಿಕೋಟಾದಿಂದ ಉಡಾಯಿಸಲಾಯಿತು. ಈಗ 46 ವರ್ಷಗಳ ನಂತರ ಬಾಹ್ಯಾಕಾಶ ಇಲಾಖೆ ತನ್ನ 100ನೇ ಉಡಾವಣೆ ಪೂರ್ಣಗೊಳಿಸಲು ಸಿದ್ಧವಾಗಿದೆ. ಇಸ್ರೋ ವಿಜ್ಞಾನಿಗಳು ಜಿಎಸ್ಎಲ್​ವಿ ರಾಕೆಟ್ ಬಳಸಿ ನ್ಯಾವಿಗೇಷನ್​ ಉಪಗ್ರಹ ಉಡಾವಣೆ ಮಾಡಲಿದ್ದಾರೆ.

ಈ ರಾಕೆಟ್ ಜನವರಿ 29, 2025 ರಂದು ಅಂದ್ರೆ ಬುಧವಾರ ಬೆಳಗ್ಗೆ 6:23 ಕ್ಕೆ ಶ್ರೀಹರಿಕೋಟಾದ ಸತೀಶ್ ಧವನ್ ಬಾಹ್ಯಾಕಾಶ ಕೇಂದ್ರದಿಂದ ಉಡಾವಣೆಗೊಳ್ಳಲಿದೆ. ಇಸ್ರೋದ ಹೊಸ ಅಧ್ಯಕ್ಷರಾಗಿ ವಿ. ನಾರಾಯಣನ್ ನೇಮಕಗೊಂಡ ನಂತರದ ಮೊದಲ ಉಡಾವಣೆ ಇದಾಗಿದೆ. ಈ ರಾಕೆಟ್​ ಉಡಾವಣೆಯನ್ನು ಇಸ್ರೋದ ಅಧಿಕೃತ YouTube ಚಾನೆಲ್ ಮೂಲಕ ನೇರ ಪ್ರಸಾರ ನೋಡಬಹುದಾಗಿದೆ.

ಇದೀಗ ಇಸ್ರೋ ತನ್ನ ಐತಿಹಾಸಿಕ ಬಾಹ್ಯಾಕಾಶ ಕೇಂದ್ರದಿಂದ 100ನೇ ರಾಕೆಟ್ ಉಡಾವಣೆ ಮಾಡಲಿದೆ. ಈ ಐತಿಹಾಸಿಕ ಉಡಾವಣೆಯನ್ನು NVS-02 ಉಪಗ್ರಹದೊಂದಿಗೆ ಮಾಡಲಾಗುವುದು. ಇದನ್ನು ಜಿಯೋಸಿಂಕ್ರೋನಸ್ ಸ್ಯಾಟಲೈಟ್ ಲಾಂಚ್ ವೆಹಿಕಲ್ (GSLV) ಮೂಲಕ ಕಕ್ಷೆಗೆ ಕಳುಹಿಸಲಾಗುತ್ತದೆ.

ಸತೀಶ್ ಧವನ್ ಬಾಹ್ಯಾಕಾಶ ಕೇಂದ್ರ (SHAR) ಆಂಧ್ರ ಪ್ರದೇಶದ ಪೂರ್ವ ಕರಾವಳಿಯ ದ್ವೀಪ ಶ್ರೀಹರಿಕೋಟಾದಲ್ಲಿದೆ. ಇದು ಚೆನ್ನೈನಿಂದ ಉತ್ತರಕ್ಕೆ ಸುಮಾರು 80 ಕಿಲೋ ಮೀಟರ್ ದೂರದಲ್ಲಿದೆ. ಈ ದ್ವೀಪವನ್ನು 1969ರಲ್ಲಿ ಉಪಗ್ರಹ ಉಡಾವಣಾ ಕೇಂದ್ರಕ್ಕಾಗಿ ಆಯ್ಕೆ ಮಾಡಲಾಯಿತು. ಶ್ರೀಹರಿಕೋಟಾ ನೆಲ್ಲೂರು ಜಿಲ್ಲೆಯ ಸುಳ್ಳೂರುಪೇಟೆಯ ಸಮೀಪದಲ್ಲಿದೆ.

NavIC ಸಿಸ್ಟಮ್​ ಮಹತ್ವ: NavIC ಭಾರತದ ಸ್ವದೇಶಿ ನ್ಯಾವಿಗೇಷನ್ ಉಪಗ್ರಹ ಸಿಸ್ಟಮ್​ ಆಗಿದ್ದು, ನಿಖರವಾದ ಸ್ಥಾನ, ವೇಗ ಮತ್ತು ಸಮಯ (PVT) ಸೇವೆಗಳನ್ನು ಒದಗಿಸಲು ವಿನ್ಯಾಸಗೊಳಿಸಲಾಗಿದೆ. ಈ ವ್ಯವಸ್ಥೆಯು ಭಾರತ ಮತ್ತು ಭಾರತೀಯ ಉಪಖಂಡದಾದ್ಯಂತ 1500 ಕಿ.ಮೀ. ಪ್ರದೇಶವನ್ನು ಆವರಿಸುತ್ತದೆ. ಇದು ಎರಡು ರೀತಿಯ ಸೇವೆಗಳನ್ನು ಒದಗಿಸುತ್ತದೆ. 20 ಮೀಟರ್‌ಗಳಿಗಿಂತ ಹೆಚ್ಚಿನ ಸ್ಥಾನಿಕ ನಿಖರತೆ ಒದಗಿಸುವ ಸ್ಟ್ಯಾಂಡರ್ಡ್ ಪೊಸಿಷನಿಂಗ್ ಸರ್ವಿಸ್ (SPS) ಮತ್ತು ವಿಶೇಷ ಸಂಚರಣೆ ಸಾಮರ್ಥ್ಯಗಳನ್ನು ಒದಗಿಸುವ ರೆಸ್ಟ್ರಿಕ್ಟೆಡ್​ ಸರ್ವಿಸ್​ (RS).

NVS-02 ಉಪಗ್ರಹದ ವೈಶಿಷ್ಟ್ಯಗಳು: NVS-02 ಉಪಗ್ರಹವು ಎರಡನೇ ತಲೆಮಾರಿನ NavIC ಉಪಗ್ರಹಗಳ ಭಾಗವಾಗಿದ್ದು, I-2K ಬಸ್ ಪ್ಲಾಟ್‌ಫಾರ್ಮ್ ಅನ್ನು ಬಳಸುತ್ತದೆ. ಈ ಉಪಗ್ರಹ 2,250 ಕೆಜಿ ತೂಕವಿದ್ದು, ಸುಮಾರು 3 ಕಿ.ವ್ಯಾಟ್ ವಿದ್ಯುತ್ ಸಾಮರ್ಥ್ಯದೊಂದಿಗೆ ಕಾರ್ಯನಿರ್ವಹಿಸಲಿದೆ. ಇದು L1, L5 ಮತ್ತು S ಬ್ಯಾಂಡ್‌ಗಳಲ್ಲಿ ನ್ಯಾವಿಗೇಷನ್ ಪೇಲೋಡ್‌ಗಳನ್ನು ಮತ್ತು C-ಬ್ಯಾಂಡ್‌ನಲ್ಲಿ ರೇಂಡಿಂಗ್ ಪೇಲೋಡ್ ಅನ್ನು ಹೊಂದಿರುತ್ತದೆ.

ಸ್ವದೇಶಿ ಟೆಕ್ನಾಲಾಜಿಕಲ್​ ಅಡ್ವಾನ್ಸ್​ಮೆಂಟ್ಸ್​: ಯುಆರ್ ಸ್ಯಾಟಲೈಟ್ ಸೆಂಟರ್​ (ಯುಆರ್‌ಎಸ್‌ಸಿ) ನಲ್ಲಿ ವಿನ್ಯಾಸಗೊಳಿಸಿ ಅಭಿವೃದ್ಧಿಪಡಿಸಲಾದ ಈ ಉಪಗ್ರಹವು ಬಾಹ್ಯಾಕಾಶದಲ್ಲಿ ಅತ್ಯುತ್ತಮವಾಗಿ ಕಾರ್ಯನಿರ್ವಹಿಸುತ್ತದೆ ಎಂದು ಖಚಿತಪಡಿಸಿಕೊಳ್ಳಲು ಥರ್ಮೋವಾಕ್ ಮತ್ತು ಡೈನಾಮಿಕ್ ಪರೀಕ್ಷೆಗೆ ಒಳಪಡಿಸಲಾಯಿತು. NVS-02 ಉಡಾವಣೆಯು ಇಸ್ರೋದ ತಾಂತ್ರಿಕ ಪರಾಕ್ರಮ ಮತ್ತು ಬಾಹ್ಯಾಕಾಶ ಪರಿಶೋಧನೆಯಲ್ಲಿ ಭಾರತದ ಬೆಳೆಯುತ್ತಿರುವ ಸಾಮರ್ಥ್ಯಗಳನ್ನು ಪ್ರದರ್ಶಿಸುತ್ತದೆ.

ಈ ಕಾರ್ಯಾಚರಣೆಯು ಶ್ರೀಹರಿಕೋಟಾದಿಂದ ಇಸ್ರೋದ 100 ನೇ ಉಡಾವಣೆ ಗುರುತಿಸಲಿದೆ. ಅಷ್ಟೇ ಅಲ್ಲ ಸ್ಥಳೀಯ ಬಾಹ್ಯಾಕಾಶ ತಂತ್ರಜ್ಞಾನಗಳು ಮತ್ತು ನ್ಯಾವಿಗೇಷನ್​ ವ್ಯವಸ್ಥೆಗಳನ್ನು ಅಭಿವೃದ್ಧಿಪಡಿಸುವ ಭಾರತದ ಬದ್ಧತೆಯನ್ನು ಪ್ರತಿಬಿಂಬಿಸುತ್ತದೆ.

ಓದಿ: ಮತ್ತೊಂದು ಐತಿಹಾಸಿಕ ಕ್ಷಣಕ್ಕೆ ಸಾಕ್ಷಿಯಾಗಲಿರುವ ಇಸ್ರೋ: 100ನೇ ಉಡಾವಣೆಗೆ ಟೈಮಿಂಗ್​ ಫಿಕ್ಸ್​