ಮೆಕ್ಕೆಜೋಳಕ್ಕೂ ಕಣ್ಣು ಹಾಕಿದ ಕೊರೊನಾ: ತಾನು ಬೆಳೆದ ಬೆಳೆಯನ್ನೇ ನಾಶಪಡಿಸಿದ ರೈತ

ಕೊರೊನಾ ಕರಿಛಾಯೆ ಇದೀಗ ರೈತರ ಬೆಳೆ ಮೇಲೂ ಕೆಟ್ಟ ಪರಿಣಾಮ ಬೀರಿದೆ. ಮೆಕ್ಕೆಜೋಳ ಬೆಲೆ ದಿಢೀರ್ ಕುಸಿತವಾಗಿದ್ದು ರೈತನೊಬ್ಬ ಕಟಾವಿಗೆ ಬಂದಿದ್ದ ಮೆಕ್ಕೆಜೋಳದ ತೆನೆಯನ್ನು ಜೆಸಿಬಿ ಯಂತ್ರದ ನಾಶಪಡಿಸಿದ್ದಾನೆ. ಈ ಘಟನೆ ಹಾವೇರಿಯ ಬ್ಯಾಡಗಿ ತಾಲೂಕಿನ ಹೊಸ ಶಿಡೇನೂರ ಗ್ರಾಮದಲ್ಲಿ ನಡೆದಿದೆ. ರೈತ ಮಹದೇವಪ್ಪ ಒಡೆಯನಪುರ ಎಂಬಾತ ತನ್ನ ಒಂದೂವರೆ ಎಕರೆ ಪ್ರದೇಶದಲ್ಲಿ ನೀರಾವರಿ ಮೂಲಕ ಮೆಕ್ಕೆಜೋಳ ಬಿತ್ತನೆ ಮಾಡಿದ್ದ. ಪ್ರತಿ ಕ್ವಿಂಟಲ್​ಗೆ ಸುಮಾರು ₹ 2,000 ಗಳಷ್ಟಾದರೂ ಸಿಗಬಹುದು ಎಂಬ ನಿರೀಕ್ಷೆಯಲ್ಲಿದ್ದ. ಆದರೆ ಕಟಾವು ಮಾಡಬೇಕೆನ್ನುವಷ್ಟರಲ್ಲಿ ಮೆಕ್ಕೆಜೋಳ ದರ ಕುಸಿದಿದೆ. ಅರ್ಧ ಬೆಲೆಗೂ ಮೆಕ್ಕೆಜೋಳವನ್ನು ಕೇಳುವವರಿಲ್ಲಂತಾಗಿದೆ. ಹೀಗಾಗಿ ನೊಂದಿರುವ ರೈತ ಬೆಳೆ ನಾಶ ಮಾಡಿದ್ದಾನೆ.