ಬಳ್ಳಾರಿ: ನೃತ್ಯದ ಮೂಲಕ ಕೊರೊನಾ ಕುರಿತು ಜಾಗೃತಿ

ಬಳ್ಳಾರಿ ನಗರದ ಕೃಷಿ ಉತ್ಪನ್ನ ಮಾರುಕಟ್ಟೆ ಸಮಿತಿ ಆವರಣದಲ್ಲಿ ನಿನ್ನೆ ಬಳ್ಳಾರಿ ಅಪೋಲೋ ಡಯಾಗ್ನಾಸ್ಟಿಕ್, ಸೂರ್ಯಕಲಾ ಮತ್ತು ಸೇವಾ ಬಳಗದವರ ನೇತೃತ್ವದಲ್ಲಿ ನೃತ್ಯದ ಮೂಲಕ ಕೊರೊನಾ ಜಾಗೃತಿ ಮೂಡಿಸುವ ಕಾರ್ಯಕ್ರಮ ನಡೆಯಿತು. ಮಾಸ್ಕ್​​, ಸಾಮಾಜಿಕ ಅಂತರ, ಸ್ಯಾನಿಟೈಸೇಶನ್​ ಕುರಿತು ಅರಿವು ಮೂಡಿಸಲಾಯಿತು. ಈ ನೃತ್ಯ ರೂಪಕವನ್ನು ಜೀರೋ ಗ್ರ್ಯಾವಿಟಿ ಡ್ಯಾನ್ಸ್ ಅಕಾಡೆಮಿಯ ಮುಖ್ಯಸ್ಥ ಉಮೇಶ್, ಸ್ನೇಹಿತರು ಹಾಗೂ ಬಳ್ಳಾರಿಯ ಎಲ್ಲಾ ನುರಿತ ನೃತ್ಯ ತಂಡಗಳ ಸದಸ್ಯರಿಂದ ಏರ್ಪಡಿಸಲಾಗಿತ್ತು. ಬಳಿಕ ಸೂರ್ಯಕಲಾ ಮತ್ತು ಸೇವಾ ಬಳಗದ ಅಧ್ಯಕ್ಷ ಸುರೇಶ್ ಅಲುವೇಲು ಸಾರ್ವಜನಿಕರಿಗೆ ಉಚಿತ ಮಾಸ್ಕ್ ವಿತರಣೆ ಮಾಡಿದರು.