ಜಾಯಿಂಟ್ ಕಟ್ಟಾಗಿ 250 ಮೀಟರ್ ಹಿಂದಕ್ಕೆ ಹೋದ ಟ್ರ್ಯಾಕ್ಟರ್ ಟ್ರ್ಯಾಲಿ: ವಿಡಿಯೋ ವೈರಲ್

ಚಿಕ್ಕೋಡಿ: ಟ್ರ್ಯಾಕ್ಟರ್ ಟ್ರ್ಯಾಲಿಯಲ್ಲಿ ಕಬ್ಬನ್ನು ತುಂಬಿಕೊಂಡು ಚಿಕ್ಕೋಡಿ ಪಟ್ಟಣದ ಮುಖ್ಯರಸ್ತೆಯಲ್ಲಿ ಸಂಚರಿಸುತ್ತಿರುವಾಗ ತನ್ನಷ್ಟಕ್ಕೆ ತಾನೇ ಟ್ರ್ಯಾಲಿ ಇಳಿ ಜಾರಿನಲ್ಲಿ ಹಿಂಬದಿ ತೆರಳಿರುವ ವಿಡಿಯೋವೊಂದು ಸಾಮಾಜಿಕ ಜಾಲತಾಣದಲ್ಲಿ ವೈರಲ್​ ಆಗುತ್ತಿದೆ. ಚಿಕ್ಕೋಡಿ ಪಟ್ಟಣದ ಅಂಕಲಿ ಕೂಟ್ ರಸ್ತೆಯಲ್ಲಿ ಗುರುವಾರ ರಾತ್ರಿ 9 ಗಂಟೆ ಸುಮಾರಿಗೆ ಕಬ್ಬಿನ ಟ್ರ್ಯಾಕ್ಟರ್​ವೊಂದು ಸಂಚರಿಸುವ ಸಂದರ್ಭದಲ್ಲಿ ಟ್ರ್ಯಾಕ್ಟರ್ ಚಾಲಕ ಗೇರ್ ಬದಲಿಸುವ ವೇಳೆ ಏಕಾಏಕಿಯಾಗಿ ಟ್ರ್ಯಾಕ್ಟರ್ ಟ್ರ್ಯಾಲಿ ಜಾಯಿಂಟ್ ಕಟ್ಟಾಗಿ ಸುಮಾರು 250 ಮೀಟರ್ ನಷ್ಟು ಹಿಂದಕ್ಕೆ ಸರಿದಿದೆ. ಘಟನೆಯಿಂದಾಗಿ ಓರ್ವ ದ್ವಿಚಕ್ರ ವಾಹನ ಸವಾರನಿಗೆ ಸಣ್ಣಪುಟ್ಟ ಗಾಯಗಳಾಗಿದ್ದು, ಯಾವುದೇ ದೊಡ್ಡ ಪ್ರಮಾಣದ ಅನಾಹುತ ಸಂಭವಿಸಿಲ್ಲ.