ಬಿಸಿಲ ಝಳಕ್ಕೆ ಹೊತ್ತಿ ಉರಿದ ಬೈಕ್​​.. ಸ್ವಲ್ಪದರಲ್ಲೇ ದಂಪತಿ - ಮಕ್ಕಳು ಪಾರು!

ಯಾದಗಿರಿ: ಬಿಸಿಲಿನ ತಾಪ ಹೆಚ್ಚಾದ ಕಾರಣ ಬೈಕ್​​ವೊಂದು ಇದ್ದಕ್ಕಿದ್ದಂತೆ ಹೊತ್ತಿ ಉರಿದಿರುವ ಘಟನೆ ಜರುಗಿದೆ. ಜಿಲ್ಲೆಯ ವಡಗೇರಾ ತಾಲೂಕಿನ ಕ್ಯಾತನಾಳ ಗ್ರಾಮದ ಹೊರ ವಲಯದ ಕಾಲುವೆ ಬಳಿ ಘಟನೆ ನಡೆಸಿದ್ದು, ಬೈಕ್​ ಮೇಲೆ ಪ್ರಯಾಣಿಸುತ್ತಿದ್ದ ದಂಪತಿ ಮಕ್ಕಳು ಅಪಾಯದಿಂದ ಪಾರಾಗಿದ್ದಾರೆ. ತಾಲೂಕಿನ ಅನ್ವರ ಗ್ರಾಮದಿಂದ ವಡಗೇರಾ ಪಟ್ಟಣಕ್ಕೆ ಬೈಕ್​​ನಲ್ಲಿ ದಂಪತಿ, ಮಕ್ಕಳ ತೆರಳುವ ವೇಲೆ ಬೈಕ್​​ನಲ್ಲಿ ಸಣ್ಣ ಪ್ರಮಾಣದ ಬೆಂಕಿ ಕಾಣಿಸಿಕೊಂಡಿದೆ. ತಕ್ಷಣ ಸವಾರ ಬೈಕ್ ನಿಲ್ಲಿಸಿದ ಪರಿಣಾಮ ಅನಾಹುತ ತಪ್ಪಿದಂತಾಗಿದೆ. ಬೈಕ್​​​ಗೆ ಹತ್ತಿದ ಬೆಂಕಿ ನಂದಿಸಲು ದಂಪತಿ ಪ್ರಯತ್ನಿಸಿದರೂ ಅಷ್ಟರಲ್ಲಾಗಲೇ ಬೈಕ್ ಸುಟ್ಟು ಭಸ್ಮವಾಗಿದೆ.ವಡಗೇರಾ ಪೊಲೀಸ್​​ ಠಾಣಾ ವ್ಯಾಪ್ತಿಯಲ್ಲಿ ಘಟನೆ ಜರುಗಿದೆ.