ಕೋಲ್ಡ್‌ಪ್ಲೇ ಬ್ಯಾಂಡ್​ಗೆ ಫಿದಾ ಆದ ಭಾರತೀಯರು; ಕ್ರಿಕೆಟಿಗ ಬುಮ್ರಾರನ್ನು ಹಾಡುಗಳ ಮೂಲಕವೇ ಗೌರವಿಸಿದ ಸಿಂಗರ್​

Coldplay: ಭಾರತದಲ್ಲಿ ಕೋಲ್ಡ್‌ಪ್ಲೇ ಬ್ಯಾಂಡ್‌ನ ಪರ್ಯಟನೆ ಯುವಕರನ್ನು ರೋಮಾಂಚನಗೊಳಿಸುತ್ತದೆ. ಅಷ್ಟಕ್ಕೂ ಈ ಕೋಲ್ಡ್​ಪ್ಲೇ ಬ್ಯಾಂಡ್‌ ಎಂದರೇನು, ಇದರ ವಿಶೇಷತೆಗಳೇನು, ಬುಮ್ರಾಗೆ ಗೌರವಿಸಿದ್ದೇಕೆ ಎಂಬುದನ್ನು ತಿಳಿಯೋಣ.

Coldplay: ಗಣರಾಜ್ಯೋತ್ಸವದ ಸಂದರ್ಭದಲ್ಲಿ ಬ್ರಿಟಿಷ್ ರಾಕ್ ಬ್ಯಾಂಡ್ ಕೋಲ್ಡ್‌ಪ್ಲೇ ತಮ್ಮ ಭಾರತ ಪ್ರವಾಸದ ಕೊನೆಯ ಪ್ರದರ್ಶನವನ್ನು ಗುಜರಾತ್​ನಲ್ಲಿ ಪ್ರದರ್ಶಿಸಿತು. ಕೋಲ್ಡ್‌ಪ್ಲೇನ ಕೊನೆಯ ಸಂಗೀತ ಕಚೇರಿ ಅಹಮದಾಬಾದ್‌ನ ನರೇಂದ್ರ ಮೋದಿ ಕ್ರೀಡಾಂಗಣದಲ್ಲಿ ನಡೆಯಿತು. ಈ ಸಂಗೀತ ಕಾರ್ಯಕ್ರಮಕ್ಕಾಗಿ ಕ್ರೀಡಾಂಗಣವು ಕಿಕ್ಕಿರಿದು ತುಂಬಿತ್ತು.

ವಿಶ್ವವಿಖ್ಯಾತ ಕೋಲ್ಡ್‌ಪ್ಲೇಗೆ ಲಕ್ಷಾಂತರ ಅಭಿಮಾನಿಗಳಿದ್ದಾರೆ. ವಿಶೇಷವಾಗಿ ಈ ರಾಕ್ ಬ್ಯಾಂಡ್‌ನ ಪ್ರಮುಖ ಗಾಯಕ ಕ್ರಿಸ್ ಮಾರ್ಟಿನ್ ಬಗ್ಗೆ ಏನು ಹೇಳಬೇಕು. ಮಾರ್ಟಿನ್ ಗಿಟಾರ್ ನುಡಿಸಿದಾಗ ಪ್ರೇಕ್ಷಕರು ಡ್ಯಾನ್ಸ್​ ಮಾಡಲು ಪ್ರಾರಂಭಿಸುತ್ತಾರೆ. ಆದರೆ ಅದೇ ಕ್ರಿಸ್ ಮಾರ್ಟಿನ್ ಭಾರತೀಯ ಕ್ರಿಕೆಟ್ ತಂಡದ ಡ್ಯಾಶಿಂಗ್ ಫಾಸ್ಟ್ ಬೌಲರ್ ಜಸ್ಪ್ರೀತ್ ಬುಮ್ರಾ ಅವರ ದೊಡ್ಡ ಅಭಿಮಾನಿ ಎಂಬುದು ತಿಳಿಯಲೇ ಬೇಕಾದ ವಿಷಯ..

COLDPLAY HONOURING JASPRIT BUMRAH AT THE NARENDRA MODI STADIUM. 🇮🇳

- Bumrah, the GOAT. 🐐pic.twitter.com/H4Oy9rNXal

— Mufaddal Vohra (@mufaddal_vohra) January 26, 2025

ಭಾರತ ಪ್ರವಾಸದ ಕೊನೆಯ ಶೋನಲ್ಲಿ ಸಿಂಗರ್​ ಕ್ರಿಸ್​ ಮಾರ್ಟಿನ್​ ಬುಮ್ರಾ ಅವರನ್ನು ತಮ್ಮ ಹಾಡುಗಳ ಮೂಲಕ ಗೌರವಿಸಿದರು. ಹೌದು, ಟೀಂ ಇಂಡಿಯಾದ ಈ ಸೂಪರ್‌ಸ್ಟಾರ್‌ಗೆ ತಮ್ಮ ಮನದಾಳದ ಮಾತುಗಳನ್ನು ಹಾಡಿನ ಮೂಲಕ ವ್ಯಕ್ತಪಡಿಸಿದರು. ಜಸ್ಪ್ರೀತ್ ಬುಮ್ರಾ ಅವರು ಕೊನೆಯ ಸಂಗೀತ ಕಚೇರಿಯನ್ನು ವೀಕ್ಷಿಸಲು ಅಹಮದಾಬಾದ್‌ನ ನರೇಂದ್ರ ಮೋದಿ ಕ್ರೀಡಾಂಗಣವನ್ನು ತಲುಪಿದಾಗ, ಕ್ರಿಸ್ ಮಾರ್ಟಿನ್‌ಗೆ ಈ ಪ್ರವಾಸವು ಹೆಚ್ಚು ವಿಶೇಷವಾಯಿತು.

ರಾಕ್ ಬ್ಯಾಂಡ್​ಗೆ ಮನಸೋತ ಯುವಕರು : ಬ್ರಿಟಿಷ್ ರಾಕ್ ಬ್ಯಾಂಡ್ ಕೋಲ್ಡ್‌ಪ್ಲೇ ಚಳಿಗಾಲದಲ್ಲಿ ಯುವಕರಿಗೆ ರೋಮಾಂಚನಗೊಳಿಸುತ್ತದೆ. ಕಳೆದ ಸೆಪ್ಟೆಂಬರ್‌ನಲ್ಲಿ ಅವರ ಭಾರತ ಪ್ರವಾಸ ಖಚಿತ ಪಡಿಸಿದಾಗ ಕೆಲವೇ ನಿಮಿಷಗಳಲ್ಲಿ ಟಿಕೆಟ್​ಗಳು ಮಾರಾಟವಾದವು. ಒಂದು ಹಂತದಲ್ಲಿ ಬುಕ್ ಮೈ ಶೋ ಹ್ಯಾಂಗ್​ ಆಗಿ ಹೋಗಿತ್ತು. ಇನ್ನು ಈ ಕೋಲ್ಡ್​ಪ್ಲೇ ಬ್ಯಾಂಡ್​ನಲ್ಲಿ ಕ್ರಿಕೆಟಿಗ ಬುಮ್ರಾ, ಕಾಜಲ್ ಅಗರ್ವಾಲ್ ಮತ್ತು ಶ್ರೇಯಾ ಘೋಷಾಲ್ ಅವರಂತಹ ಸೆಲೆಬ್ರಿಟಿಗಳು ಖುದ್ದಾಗಿ ಭಾಗವಹಿಸಿ ಎಲ್ಲರೊಡನೆ ಸಂಭ್ರಮಿಸಿದರು. ಕೋಲ್ಡ್‌ಪ್ಲೇ ಆಗಮನದೊಂದಿಗೆ ಭಾರತದಲ್ಲಿ ಜಾಝ್ ಬ್ಯಾಂಡ್‌ಗಳಿಗೆ ಬೇಡಿಕೆ ಅಗಾಧವಾಗಿ ಹೆಚ್ಚಾಗಿದೆ ಎಂಬುದನ್ನು ಇಲ್ಲಿ ತಿಳಿಯಬೇಕು. ಅಹಮದಾಬಾದ್ ಕ್ರೀಡಾಂಗಣದಲ್ಲಿ ನಡೆದ ಈ ಸಂಗೀತ ಕಚೇರಿಯಲ್ಲಿ ಒಂದು ಲಕ್ಷಕ್ಕೂ ಹೆಚ್ಚು ಜನರು ಭಾಗವಹಿಸಿದ್ದು ಗಮನಾರ್ಹ.

ಕೋಲ್ಡ್‌ಪ್ಲೇ ಹೆಸರು ಬಂದಿದ್ದು ಹೇಗೆ? ಕೋಲ್ಡ್​ಪ್ಲೇ ಎಂಬುದು ಬ್ರಿಟಿಷ್ ರಾಕ್ ಬ್ಯಾಂಡ್. ಇದನ್ನು 1996 ರಲ್ಲಿ ಸಿಂಗರ್​ ಕ್ರಿಸ್ ಮಾರ್ಟಿನ್ ಮತ್ತು ಗಿಟಾರಿಸ್ಟ್​ ಜಾನಿ ಬಕ್ಲ್ಯಾಂಡ್ ಅವರು ಲಂಡನ್ ವಿಶ್ವವಿದ್ಯಾಲಯದ ಕಾಲೇಜಿನಲ್ಲಿದ್ದಾಗ ರಚಿಸಿದರು. ನಂತರ ಅದನ್ನು ಪೆಕ್ಟೋರಲ್ ಗರ್ಡಲ್ ಎಂದು ಹೆಸರಿಸಲಾಯಿತು. ಬಾಸಿಸ್ಟ್​ ಬೆರ್ರಿಮನ್ ಅವರೊಂದಿಗೆ ಸೇರಿದಾಗ ಬ್ಯಾಂಡ್‌ನ ಹೆಸರು ಸ್ಟಾರ್‌ಫಿಶ್ ಎಂದು ಬದಲಾಯಿತು. ನಂತರ 1998 ರಲ್ಲಿ ಡ್ರಮ್ಮರ್ ವಿಲ್ ಚಾಂಪಿಯನ್ ಸೇರಿಕೊಂಡಾಗ ಇದರ ಹೆಸರನ್ನು 'ಕೋಲ್ಡ್‌ಪ್ಲೇ' ಎಂದು ಬದಲಾಯಿಸಲಾಯಿತು.

ಈ ಕೋಲ್ಡ್​ಪ್ಲೇ ತಂಡ 2000 ರಲ್ಲಿ ತಮ್ಮ ಮೊದಲ ಆಲ್ಬಂ ಪ್ಯಾರಾಚೂಟ್ಸ್‌ನಿಂದ ಯಶಸ್ಸನ್ನು ಸಾಧಿಸಲು ಪ್ರಾರಂಭಿಸಿದರು. ಯೆಲ್ಲೋ ಮತ್ತು ಶಿವರ್ ನಂತಹ ಆಲ್ಬಂಗಳು ಸೂಪರ್ ಹಿಟ್ ಆದವು. ಈ ಟೀಂ ಗ್ರ್ಯಾಮಿ ಪ್ರಶಸ್ತಿಗಳನ್ನು ಸಹ ಪಡೆದುಕೊಂಡಿತು. 2002 ರಲ್ಲಿ, 'ಎ ರಶ್ ಆಫ್ ಬ್ಲಡ್ ಟು ದಿ ಹೆಡ್' ಸಂಗೀತ ಜಗತ್ತಿನಲ್ಲಿ ಅವರ ಸ್ಥಾನವನ್ನು ಗಟ್ಟಿಗೊಳಿಸಿತು.

ದಾಖಲೆಗಳ ಸರದಾರ..

• ಕೋಲ್ಡ್‌ಪ್ಲೇ 21ನೇ ಶತಮಾನದ ಅತ್ಯಂತ ಯಶಸ್ವಿ ಬ್ಯಾಂಡ್ ಆಗಿದೆ.
• ಈ ಟೀಂನ ಆಲ್ಬಮ್‌ಗಳು ವಿಶ್ವದಾದ್ಯಂತ 100 ಮಿಲಿಯನ್​ಗೂ ಹೆಚ್ಚು ಮಾರಾಟವಾಗಿವೆ.
• ಪ್ಯಾರಾಚೂಟ್ಸ್, 'ಎ ರಶ್ ಆಫ್ ಬ್ಲಡ್ ಟು ದಿ ಹೆಡ್', ಎಕ್ಸ್ ಆ್ಯಂಡ್​ ವೈ ಯುಕೆಯಲ್ಲಿ ಹೆಚ್ಚು ಮಾರಾಟವಾದ ಟಾಪ್ 50 ಆಲ್ಬಮ್‌ಗಳಲ್ಲಿ ಸೇರಿವೆ.
• ವಿಶ್ವದಲ್ಲೇ ಇದು ಅತ್ಯಂತ ಪ್ರಭಾವಶಾಲಿ ಬ್ಯಾಂಡ್ ಎಂದು 2013 ರಲ್ಲಿ ಫೋರ್ಬ್ಸ್ ಗುರುತಿಸಿದೆ.
• 2014 ರಲ್ಲಿ ಸ್ಪಾಟಿಫೈನಲ್ಲಿ ಇವರ ಹಾಡುಗಳು 100 ಕೋಟಿ ಸ್ಟ್ರೀಮ್‌ಗಳನ್ನು ಮೀರಿದ ಮೊದಲ ಬ್ಯಾಂಡ್ ಅಗಿ ಹೊರಹೊಮ್ಮಿತು.
• ಸೂಪರ್ ಬೌಲ್ 50 ರಲ್ಲಿ ಈ ಗ್ರೂಪ್​ ಶೋಗೆ ಇತಿಹಾಸದಲ್ಲೇ ಅತಿ ಹೆಚ್ಚು ಹಾಜರಾತಿ ಹೊಂದಿತ್ತು.
• ಈ ಗುಂಪು ಪ್ರವಾಸಗಳಿಂದ 1 ಬಿಲಿಯನ್ ಡಾಲರ್​ ಆದಾಯವನ್ನು ಗಳಿಸಿರುವುದು ಗಮನಾರ್ಹ.
• ಈ ಗುಂಪಿಗೆ 7 ಗ್ರ್ಯಾಮಿ ಪ್ರಶಸ್ತಿಗಳು ಮತ್ತು 39 ನಾಮಿನೇಷನ್​ಗಳು ಪಡೆದಿದೆ. ಈ ಅವರ್ಡ್ಸ್​ನಲ್ಲಿ ಸಾಂಗ್​ ಆಫ್​ ದಿ ಇಯರ್​, ರಿಕಾರ್ಡ್​ ಆಫ್​ ದಿ ಇಯರ್​ ಸಹ ಒಳಗೊಂಡಿದೆ.

ಮ್ಯೂಸಿಕ್​ ಮತ್ತು ನಿರ್ವಹಣೆ ವಿಭಿನ್ನ : ಕೋಲ್ಡ್‌ಪ್ಲೇ ಕನ್ಸರ್ಟ್ ಮ್ಯೂಸಿಕ್​, ನಿರ್ವಹಣೆ ವಿಭಿನ್ನವಾಗಿರುತ್ತವೆ. ಹೆಚ್ಚಿನ ಹಾಡುಗಳು ಮುಖ್ಯವಾಗಿ ಲವ್​, ಲಾಸ್​, ಹೋಪ್​ ಎಂಬ ಥೀಮ್ಸ್​ಗಳಿಂದಲೇ ಹೆಚ್ಚು ಹಾಡುಗಳು ಇರುತ್ತವೆ. ಅಷ್ಟೇ ಅಲ್ಲ, ಭಾವನೆಗಳನ್ನು ಕಲಕುವ ಹಾಡುಗಳನ್ನೇ ಈ ಟೀಂ ಹೆಚ್ಚು ಆಯ್ಕೆ ಮಾಡುಕೊಳ್ಳುತ್ತದೆ. ಇದರ ಜೊತೆಗೆ, ಇದು ಗಿಟಾರ್ಸ್​, ಪಿಯಾನೋಗಳು, ಸಿಂಥಸೈಜರ್‌ಗಳು, ಗಾಯನಗಳು ಮತ್ತು ಡ್ರಮ್ಸ್​ ಸೇರಿದಂತೆ ವಿವಿಧ ವಾದ್ಯಗಳ ಟೂಲ್​ಗಳನ್ನು ಬಳಸುತ್ತದೆ.

ಕೈಗೆ ಕಟ್ಟಿಕೊಂಡಿರುವ ರಿಸ್ಟ್​ಬ್ಯಾಂಡ್​ನ ವಿಶೇಷತೆ ಏನು? ಇನ್ನು ಪ್ರಪಂಚದಾದ್ಯಂತದ ಕೋಲ್ಡ್‌ಪ್ಲೇ ಕಾನ್ಸರ್ಟ್​ನಲ್ಲಿ ಡ್ರೋನ್ ದೃಶ್ಯಗಳು ಅತ್ಯಂತ ಮೋಡಿಮಾಡುವಂತೆ ಕಾಣಿಸಿಕೊಳ್ಳುತ್ತವೆ. ಇವುಗಳಲ್ಲಿ ಎಲ್‌ಇಡಿಗಳನ್ನು ಹೊಂದಿರುವ ಜೈಲೋ ರಿಸ್ಟ್‌ಬ್ಯಾಂಡ್‌ಗಳನ್ನು ಪ್ರೇಕ್ಷಕರಿಗೆ ನೀಡಲಾಗುತ್ತದೆ. ಇವು ಸಂಗೀತಕ್ಕೆ ಅನುಗುಣವಾಗಿ ವಿಭಿನ್ನ ಬಣ್ಣಗಳಲ್ಲಿ ಬದಲಾಗುತ್ತವೆ. ಈ ಸಂಗೀತ ಕಾರ್ಯಕ್ರಮದ ಸಮಯದಲ್ಲಿ ಬುಮ್ರಾ ಅವರ ಕೈಯಲ್ಲಿರುವ ರಿಸ್ಟ್​ಬ್ಯಾಂಡ್​ ಈ ಕಾನ್ಸರ್ಟ್​ ಸಂದರ್ಭದಲ್ಲಿ ನೀಡಲಾಗಿತ್ತು. ಕೋಲ್ಡ್‌ಪ್ಲೇ ಬ್ಯಾಂಡ್​ ಇತ್ತೀಚಿನ ಮುಂಬೈ ಮತ್ತು ಅಹಮದಾಬಾದ್ ಪ್ರವಾಸಗಳೊಂದಿಗೆ ಈಗ ಭಾರತದಲ್ಲಿ ಒಂದು ಟ್ರೆಂಡ್​ ಆಗಿ ಬೆಳೆಯುತ್ತಿದೆ. ಇನ್ನು, ಈ ರಿಸ್ಟ್​ಬ್ಯಾಂಡ್​ಗಳನ್ನು ಸಂಪೂರ್ಣವಾಗಿ ವೃಕ್ಷ ಆಧಾರಿತ ವಸ್ತುಗಳಿಂದ ತಯಾರಿಸಲಾಗಿದೆ ಎಂಬುದು ಗಮನಾರ್ಹ. ಇದಲ್ಲದೆ, ಇವುಗಳನ್ನು ಮರುಬಳಕೆ ಮಾಡಬಹುದು.

ಉದ್ಯಮಿಗಳು ಮೆಚ್ಚುಗೆ : ಈ ಬ್ಯಾಂಡ್​ ಟೀಂ ಭಾರತಕ್ಕೆ ಬಂದಾಗ ಇಲ್ಲಿನ ಯುವಕರ ಸಂಭ್ರಮ ನೋಡಿದ ಕೈಗಾರಿಕೋದ್ಯಮಿ ಹರ್ಷ ಗೋಯೆಂಕಾ ಅವರು ಎಕ್ಸ್​ನಲ್ಲಿ ತಮ್ಮ ಅನಿಸಿಕೆ ಹಂಚಿಕೊಂಡರು. ‘ಭಾರತೀಯರು ನೆಮ್ಮದಿ, ಆಶ್ರಯ ಮತ್ತು ಆಶ್ರಯಕ್ಕಾಗಿ ಹಾತೊರೆಯುವ ಸ್ಥಿತಿಯಿಂದ ಜೀವನ ಮತ್ತೆಂದೂ ಸಿಗುವುದಿಲ್ಲ ಎಂಬ ಭಾವನೆಯ ಸ್ಥಿತಿಗೆ ತಲುಪಿದ್ದಾರೆ. ಟಿಕೆಟ್‌ಗಳ ರೀಸೆಲ್​ ಬೆಲೆ ಐದು ಪಟ್ಟು ಹೆಚ್ಚಾಗಿದೆ ಎಂದು ಅವರು ಹೇಳಿದರು. ‘ಲೈವ್​ ಎಂಟರ್​ಟೈನ್ಮೆಂಟ್​ಗೆ ಭಾರತ ಹೊಸ ದಾರಿ ಕಂಡುಕೊಂಡ ಕ್ಷಣಗಳಿವು’ ಎಂದು ಮತ್ತೊಬ್ಬ ಉದ್ಯಮ ದೈತ್ಯ ಎಕ್ಸ್​ನಲ್ಲಿ ಕೋಲ್ಡ್‌ಪ್ಲೇ ಕನ್ಸರ್ಟ್ ವಿಡಿಯೋವನ್ನು ಪೋಸ್ಟ್ ಮಾಡಿ ಕ್ಯಾಪ್ಷನ್​ ಬರೆದಿದ್ದಾರೆ.

ಓದಿ: ರಣಜಿ ಟ್ರೋಫಿ: ಹರಿಯಾಣ ವಿರುದ್ಧದ ಪಂದ್ಯಕ್ಕೆ ಕರ್ನಾಟಕ ತಂಡದಲ್ಲಿ ಕೆ.ಎಲ್.ರಾಹುಲ್