ರಾಗಿಣಿ ನನ್ನ ಪಾಲಿಗೆ ದೇವತೆ... ಅವಳಿಗಾಗಿ ಪ್ರಾಣ ಕೊಡಲು ಸಿದ್ಧ ಎಂದ ಅಭಿಮಾನಿ!

ಚಿತ್ರದುರ್ಗ: ಡ್ರಗ್ಸ್ ಜಾಲದ ನಂಟು ಆರೋಪದಲ್ಲಿ ಜೈಲು ಸೇರಿರುವ ನಟಿ ರಾಗಿಣಿಗೆ ಪ್ರಾಣ ಕೊಡುವುದಕ್ಕೂ ಸಿದ್ಧ ಎಂದಿರುವ ಅಭಿಮಾನಿವೋರ್ವನ ವಿಡಿಯೋ ವೈರಲ್ ಆಗಿದೆ. ಹಿರಿಯೂರಿನ ಸುಧಾಕರ್​ ಎಂಬಾತ, ನಟಿ ರಾಗಿಣಿ ನನ್ನ ದೇವತೆ, ಕನಸಿನ ರಾಣಿ. ಅವಳಿಗಾಗಿ ನಾನು ರಕ್ತ, ಪ್ರಾಣ ಕೊಡಲು ಸಿದ್ಧ. ರಾಗಿಣಿಯನ್ನು ಡ್ರಗ್ಸ್​ಗೆ ಅಡಿಕ್ಟ್ ಮಾಡಿದವರಿಗೆ ಗಲ್ಲು ಶಿಕ್ಷೆಯಾಗಬೇಕು ಎಂದಿದ್ದಾನೆ. ನಾನು ಆರ್​ಟಿಐ ಕಾರ್ಯಕರ್ತ ಎಂದು ಹೇಳಿಕೊಂಡಿರುವ ಸುಧಾಕರ್​, ಡ್ರಗ್ಸ್​ ದಂಧೆಯಲ್ಲಿ ಸಾಕಷ್ಟು ರಾಜಕಾರಣಿಗಳು ಭಾಗಿಯಾಗಿದ್ದಾರೆ. ಅವರ ದಾಖಲೆಗಳನ್ನು ಆರ್​ಟಿಐನಿಂದ ಹೊರತೆಗೆದು ಹೋರಾಟ ಮಾಡ್ತೀನಿ ಎಂದು ಸುಧಾಕರ್​ ಹೇಳಿದ್ದಾನೆ. ಸದ್ಯ, ಈ ಸುಧಾಕರ್​ ಮಾತನಾಡಿರುವ ವಿಡಿಯೋ ಸಖತ್ ವೈರಲ್ ಆಗಿದೆ.