ಥಾಯ್ಲೆಂಡ್ ಓಪನ್: ಒಂದು ವಾರದ ಅಂತರದಲ್ಲಿ ಎರಡು ಪ್ರಶಸ್ತಿ ಗೆದ್ದ ಕರೊಲಿನಾ ಮರಿನ್

ಬ್ಯಾಂಕಾಕ್​: ಸ್ಪೇನಿನ ಸ್ಟಾರ್​ ಶಟ್ಲರ್​ ಕರೊಲಿನಾ ಮರಿನ್​ ಒಂದು ವಾರದ ಅಂತರದಲ್ಲಿ ಬ್ಯಾಂಕಾಕ್​ನಲ್ಲಿ ನಡೆದ 2 ಥಾಯ್ಲೆಂಡ್​ ಓಪನ್​ ಟೂರ್ನಿಗಳಲ್ಲಿ ಚಾಂಪಿಯನ್​ ಆಗಿ ಹೊರ ಹೊಮ್ಮಿದ್ದಾರೆ. ಕಳೆದ ವಾರ ಯುನೆಕ್ಸ್​ ಥಾಯ್ಲೆಂಡ್ ಓಪನ್ ಗೆದ್ದಿದ್ದ ಸ್ಪ್ಯಾನಿಷ್​ ಸ್ಟಾರ್​ ಇಂದು ನಡೆದ ಟೊಯೊಟ ಥಾಯ್ಲೆಂಡ್ ಓಪನ್​ನಲ್ಲಿ ತೈವಾನ್(ಚೀನಾ ತೈಪೆಯ)​ ತಾಯ್‌ ಜು ಯಿಂಗ್ ವಿರುದ್ಧ 21-19, 21-17ರಲ್ಲಿ ಗೆಲುವು ಸಾಧಿಸಿದರು. ಪುರುಷರ ಫೈನಲ್​ ಪಂದ್ಯದಲ್ಲಿ ಡೆನ್ಮಾರ್ಕ್​ನ ಅಕ್ಸೆಲ್ಸನ್ ತಮ್ಮದೇ ದೇಶದ ಹ್ಯಾನ್ಸ್ ಕ್ರಿಸ್ಟಿಯನ್ ಸಾಲ್ಬರ್ಗ್‌ ವಿಟಿಂಗಸ್‌ ಎದುರು 21-11, 21-7ರಲ್ಲಿ ಜಯ ಗಳಿಸಿದರು.