ರೈತರು, ಟೋಲ್ ನೌಕರರ ನಡುವೆ ತೀವ್ರ ಘರ್ಷಣೆ: ಟೋಲ್ ಪ್ಲಾಜಾದಲ್ಲಿ ಪರಿಸ್ಥಿತಿ ಉದ್ವಿಗ್ನ

ಹೋಶಿಯಾರಪುರ (ಪಂಜಾಬ್)​: ಹೋಶಿಯಾರಪುರ ತಾಂಡಾದ ಚೌಲಾಗ್ ಟೋಲ್ ಪ್ಲಾಜಾದಲ್ಲಿ ರೈತರು ಮತ್ತು ಟೋಲ್ ನೌಕರರ ನಡುವೆ ಭಾರಿ ಘರ್ಷಣೆ ನಡೆದಿದೆ. ಕಳೆದ ಹಲವು ದಿನಗಳಿಂದ ನಾನಾ ಬೇಡಿಕೆ ಈಡೇರಿಕೆಗೆ ಆಗ್ರಹಿಸಿ ನಡೆಯುತ್ತಿದ ಧರಣಿ ತೆರೆದು, ಪಂಜಾಬ್ ಕಿಸಾನ್ ಮಜ್ದೂರ್​ ಸಂಘರ್ಷ ಸಮಿತಿ ಚೌಲಾಂಗ್ ಹಾಗೂ ಜಿಲ್ಲೆಯ ಇತರ ಟೋಲ್ ಪ್ಲಾಜಾಗಳಲ್ಲಿ ಜನವರಿ 15 ರವರೆಗೆ ಬಂದ್ ಮಾಡುವ ಕಾರ್ಯಕ್ರಮ ರೂಪಿಸಲಾಗಿತ್ತು. ಇಂದು ಬೆಳಗ್ಗೆ ರೈತರು ಟೋಲ್ ಬಳಿ ಆಗಮಿಸುವ ಮೊದಲೇ ಟೋಲ್ ನೌಕರರು ಜಮಾಯಿಸಿದ್ದರು. ಈ ವೇಳೆ ಯಾವುದೇ ರೀತಿಯ ಸಂಘರ್ಷ ನಡೆಯದಂತೆ ತಾಂಡಾ ಪೊಲೀಸರು ಸೂಕ್ತ ಬಂದೋಬಸ್ತ್ ಮಾಡಿದ್ದರೂ, ಟೋಲ್ ನೌಕರರು ಮತ್ತು ರೈತರು ಮುಖಾಮುಖಿಯಾಗಿ ವಾತಾವರಣವು ಉದ್ವಿಗ್ನಗೊಂಡಿತ್ತು. ಇದರಿಂದ ಪೊಲೀಸರು ಲಾಠಿ ಪ್ರಹಾರವನ್ನೂ ನಡೆಸಿದರು. ಮತ್ತೊಂದೆಡೆ ವಾಹನಗಳು ಟೋಲ್ ಪಾವತಿಸದೇ ಉಚಿತವಾಗಿ ಸಂಚಾರ ನಡೆಸಿದವು.