ಮಂಡ್ಯ: ಪೇಸಿಎಂ ಟೀಶರ್ಟ್​ ಧರಿಸಿದ ಕಾಂಗ್ರೆಸ್​ ಕಾರ್ಯಕರ್ತರ ಬಂಧನ

ಮಂಡ್ಯ: ಕಾಂಗ್ರೆಸ್​ ಪಕ್ಷ ದೇಶದೆಲ್ಲೆಡೆ ಭಾರತ್​ ಜೋಡೋ ಅಭಿಯಾನ ನಡೆಸುತ್ತಿದ್ದು, ಇಂದು ಮಂಡ್ಯಕ್ಕೆ ಆಗಮಿಸಿರುವ ಯಾತ್ರೆಯಲ್ಲಿ ಕೆಲವು ಕಾಂಗ್ರೆಸ್​ ಕಾರ್ಯಕರ್ತರು 'ಪೇಸಿಎಂ', 'ಪೇಅಶ್ವತ್ಥ​ನಾರಾಯಣ್' ಮತ್ತು 'ಪೇಈಶ್ವರಪ್ಪ' ಎಂದು ಮುದ್ರಿತವಾಗಿರುವ ಟೀ ಶರ್ಟ್‌ಗಳನ್ನು ಧರಿಸಿದ್ದರು. ಹೀಗಾಗಿ ಈ ಟೀಶರ್ಟ್​ ಧರಿಸಿದ್ದ ಕೆಲ ಕಾಂಗ್ರೆಸ್ ಕಾರ್ಯಕರ್ತರನ್ನು ಮಂಡ್ಯ ಪೊಲೀಸರು ಬಂಧಿಸಿದ್ದಾರೆ. ರಾಜ್ಯ ಸರ್ಕಾರದ ವಿವಿಧ ಇಲಾಖೆಗಳಲ್ಲಿ ಶೇ.40ರಷ್ಟು ಕಮಿಷನ್ ಇಲ್ಲದೆ ಕೆಲಸ ಆಗುವುದೇ ಇಲ್ಲ ಎಂದು ಆರೋಪಿಸಿ ಕಾಂಗ್ರೆಸ್​ ಪಕ್ಷ ಪೇಸಿಎಂ ಅಭಿಯಾನ ನಡೆಸುತ್ತಿದೆ.