ಚಿಲಿಕಾದಲ್ಲಿ ಸಿಲುಕಿದ 50 ಕ್ಕೂ ಹೆಚ್ಚು ಪ್ರಯಾಣಿಕರಿದ್ದ ದೊಡ್ಡ ದೋಣಿ

ಭುವನೇಶ್ವರ(ಒಡಿಶಾ): 50 ಕ್ಕೂ ಹೆಚ್ಚು ಪ್ರಯಾಣಿಕರಿದ್ದ ದೊಡ್ಡ ದೋಣಿ ಒಡಿಶಾದ ಚಿಲಿಕಾ ಸರೋವರದಲ್ಲಿ ಸಿಲುಕಿದೆ. ಪ್ರಯಾಣಿಕರನ್ನು ಒಳಗೊಂಡಂತೆ 4 ಕಾರುಗಳು ಮತ್ತು 20 ದ್ವಿಚಕ್ರ ವಾಹನಗಳನ್ನು ಹೊತ್ತು ಇಂದು ಮಧ್ಯಾಹ್ನ ಪುರಿ ಜಿಲ್ಲೆಯ ಕೃಷ್ಣಪ್ರಸಾದ್ ಬ್ಲಾಕ್‌ನ ಜಾನ್ಹಿಕುಡದಿಂದ ಸತಪಾದಕ್ಕೆ ಸಂಚರಿಸಲು ಮುಂದಾಗಿತ್ತು. ಸತಪಾದದಿಂದ 700 ಮೀಟರ್ ದೂರದಲ್ಲಿರುವಾಗ ಈ ಘಟನೆ ಸಂಭವಿಸಿದೆ. ಪ್ರಯಾಣಿಕರನ್ನು ರಕ್ಷಿಸಲು ಮತ್ತು ಹಡಗನ್ನು ಮತ್ತೆ ಚಾನೆಲ್‌ಗೆ ಸೇರಿಸಲು ಕ್ರಮ ಕೈಗೊಳ್ಳಲಾಗುತ್ತಿದೆ.