ಗ್ರಾಮಸ್ಥರೊಂದಿಗೆ ಉರುಮೆ ಸದ್ದಿಗೆ ಹೆಜ್ಜೆ ಹಾಕಿದ ಡಾ.ಜಿ.ಪರಮೇಶ್ವರ್- ವಿಡಿಯೋ

ತುಮಕೂರು: ರಾಜ್ಯ ವಿಧಾನಸಭೆ ಚುನಾವಣೆ ದಿನೇ ದಿನೇ ಕಾವೇರುತ್ತಿದೆ. ಕಾಂಗ್ರೆಸ್ ಅಭ್ಯರ್ಥಿಗಳು, ಆಕಾಂಕ್ಷಿಗಳು ತಮ್ಮ ಕ್ಷೇತ್ರಗಳಲ್ಲಿ ಬಿರುಸಿನ ಮತ ಪ್ರಚಾರದಲ್ಲಿ ನಿರತರಾಗಿದ್ದಾರೆ. ಮೊದಲ ಟಿಕೆಟ್ ಪಟ್ಟಿ​ ಘೋಷಣೆಯಾದ ನಂತರ ಸಂಪೂರ್ಣವಾಗಿ ಕ್ಷೇತ್ರದ ಜನರೊಂದಿಗೆ ಬೆರೆಯುತ್ತಿರುವ ಜಿ.ಪರಮೇಶ್ವರ್ ಅವರು ಸ್ಥಳೀಯ ಕಾರ್ಯಕ್ರಮಗಳಲ್ಲಿ ಭಾಗವಹಿಸುತ್ತಿದ್ದಾರೆ. ಪ್ರಚಾರದ ನಡುವೆ ಗ್ರಾಮಸ್ಥರೊಂದಿಗೆ ಭರ್ಜರಿಯಾಗಿ ಡಾನ್ಸ್ ಕೂಡಾ ಮಾಡಿ ಗಮನ ಸೆಳೆದಿದ್ದಾರೆ. ಪರಂ ಹೆಜ್ಜೆ ಹಾಕಿರುವ ದೃಶ್ಯಗಳು ಕೊರಟಗೆರೆ ವಿಧಾನಸಭಾ ಕ್ಷೇತ್ರದಾದ್ಯಂತ ಸಾಕಷ್ಟು ವೈರಲ್ ಆಗುತ್ತಿದೆ.

ಪರಮೇಶ್ವರ್ ಅವರು ಕೊರಟಗೆರೆ ತಾಲೂಕಿನ ಚಿಕ್ಕಣ್ಣನಹಳ್ಳಿ ಗ್ರಾಮದ ಜನರೊಂದಿಗೆ ಉರುಮೆ ಸದ್ದಿಗೆ ಸಖತ್ ಸ್ಟೆಪ್ ಹಾಕಿದರು. ಈ ಮೂಲಕ ತಾವು ಹೈಟೆಕ್ ಲೈಫ್ ಸ್ಟೈಲ್‌ಗೂ ಸೈ, ಜನಸಾಮಾನ್ಯರ ಜೊತೆಯಾಗಿ ಲೋಕಲ್ ಡ್ಯಾನ್ಸ್‌ಗೂ ಸೈ ಅನ್ನೋದನ್ನು ತೋರಿಸಿದ್ದಾರೆ. ಇನ್ನು, ಚಿಕ್ಕಣ್ಣನಹಳ್ಳಿ ಗ್ರಾಮಸ್ಥರು ಡಾ.ಜಿ.ಪರಮೇಶ್ವರ್ ಹೆಜ್ಜೆ ಹಾಕೋದನ್ನು ನೋಡಿ ತಾವೂ ಕೂಡ ಅವರೊಂದಿಗೆ ಖುಷಿಯಿಂದ ಕುಣಿದು ಕುಪ್ಪಳಿಸಿದ್ದು ಕಂಡು ಬಂತು.

ಇದನ್ನೂ ಓದಿ: "ಅಭಿವೃದ್ಧಿ ಕೆಲಸ ಮಾಡಿ ತೋರಿಸಿ": ಚುನಾವಣೆಗಾಗಿ ಹಂಚಿದ ಸೀರೆಗಳಿಗೆ ಬೆಂಕಿ ಹಚ್ಚಿ ಜನರ ಆಕ್ರೋಶ