ವಾರ್ಡನಲ್ಲಿ ಕೋಮು ಸೌಹಾರ್ದತೆ ಕಾಪಾಡಲು ತಮ್ಮ ಸ್ಥಾನಕ್ಕೆ ರಾಜೀನಾಮೆ ಕೊಟ್ಟ ಕೌನ್ಸಿಲರ್​

ಗಯಾ( ಬಿಹಾರ) : ಗಯಾ ಜಿಲ್ಲೆಯಲ್ಲಿ ಮುಸ್ಲಿಂ ವ್ಯಕ್ತಿಯೊಬ್ಬರು ತಮಗೆ ಸಿಕ್ಕಿರುವ ಪುರಸಭೆಯ ಕೌನ್ಸಿಲರ್ ಸ್ಥಾನಕ್ಕೆ ರಾಜೀನಾಮೆ ಕೊಟ್ಟಿದ್ದಾರೆ. ತಮ್ಮ ವಾರ್ಡ್​​ನಲ್ಲಿ ಕೋಮು ಸೌಹಾರ್ದತೆ ಕಾಪಾಡಲು ಈ ರೀತಿಯ ನಿರ್ಧಾರವನ್ನು ತೆಗೆದುಕೊಂಡಿದ್ದಾರೆ. ತಾನು ನಿಂತು ಅವಿರೋಧವಾಗಿ ಚುನಾವಣೆಯಲ್ಲಿ ಗೆಲ್ಲುತ್ತಿದ್ದ ಕರೀಂಗಂಜ್ ವಾರ್ಡ್​ ಅನ್ನು ಹಿಂದೂ ಸಮುದಾಯಕ್ಕೆ ಸೇರಿದ ತನ್ನ ಸ್ನೇಹಿತನ ಆಯ್ಕೆಗೆ ದಾರಿ ಮಾಡಿಕೊಟ್ಟಿದ್ದಾರೆ.   

ನಗರಸಭೆ ವಾರ್ಡ್ ನಂ. 26  ಕೌನ್ಸಿಲರ್, ಅಬ್ರಾರ್ ಅಹ್ಮದ್ ಅವರು ತಮ್ಮ ಸ್ನೇಹಿತ ಹಾಗೂ ಮಾಜಿ ಉಪಮೇಯರ್ ಆಗಿರುವ ಅಖುರಿ ಓಂಕಾರನಾಥ್ ಎಂಬುವರಿಗೋಸ್ಕರ ಈ ತ್ಯಾಗ ಮಾಡಿದ್ದಾರೆ. ಅಹ್ಮದ್ ಅವರು ಕಳೆದ ಐದು ವರ್ಷಗಳಲ್ಲಿ ಮೂರು ಬಾರಿ ಅವಿರೋಧವಾಗಿ ಕೌನ್ಸಿಲರ್ ಆಗಿ ಆಯ್ಕೆಯಾಗಿದ್ದಾರೆ. ಇದರಲ್ಲೇ ಗೊತ್ತಾಗುತ್ತದೆ ಯಾವ ರೀತಿ ವಾರ್ಡ್​​​​ನಲ್ಲಿ  ಜನ ಮನ್ನಣೆ ಪಡೆದಿದ್ದರು ಎಂದು. ಹೀಗಿದ್ದರೂ ಅಬ್ರಾರ್​ ಅಹ್ಮದ್​ ಅವರು ತನ್ನ ಸ್ನೇಹಿತನಿಗೊಸ್ಕರ ಹಾಗೂ ಕೋಮು ಸೌಹಾರ್ದತೆ ಕಾಪಾಡಲು ಈ ಧೃಡ ನಿರ್ಧಾರ ತೆಗೆದುಕೊಂಡು ತನ್ನ ಸಮುದಾಯದ ಜನರಿಗೆ ಸ್ನೇಹಿತನನ್ನು ಬೆಂಬಲಿಸುವಂತೆ ಕರೆಕೊಟ್ಟಿದ್ದಾರೆ. 

ಬಹುಶಃ ಬಿಹಾರದ ಈ ಮುಸ್ಲಿಂ ಕೌನ್ಸಿಲರ್ ತನ್ನ ಹಿಂದೂ ಸ್ನೇಹಿತನಿಗಾಗಿ ವಾರ್ಡ್‌ ಬಿಟ್ಟುಕೊಟ್ಟು ಜೊತೆಗೆ ತನ್ನ ಕೌನ್ಸಿಲರ್​ ಸ್ಥಾನಕ್ಕೆ ರಾಜೀನಾಮೆ ನೀಡಿದ ನಿದರ್ಶನ ದೇಶದಲ್ಲಿ ಇದೇ ಮೊದಲ ಎನ್ನಬಹುದು. ಅಬ್ರಾರ್ ಪ್ರತಿನಿಧಿಸುವ ಕರೀಂಗಂಜ್ ವಾರ್ಡ ಸುಮಾರು 10,000 ಜನಸಂಖ್ಯೆಯನ್ನು ಹೊಂದಿದ್ದು, ಅತಿಹೆಚ್ಚು ಮುಸ್ಲಿಂ ಜನಸಂಖ್ಯೆಯನ್ನು ಹೊಂದಿರುವ ವಾರ್ಡ್ ಆಗಿದೆ.    

ಇದೇ ಸಂಧರ್ಭದಲ್ಲಿ ಈಟಿವಿ ಭಾರತ್​ನೊಂದಿಗೆ ಮಾತನಾಡಿದ ಅಬ್ರಾರ್ ಅಹ್ಮದ್ ಅವರು ತಮ್ಮ ಆಶಯವನ್ನು "ಪ್ರಜಾಪ್ರಭುತ್ವ ಭಾರತದ ಸೌಂದರ್ಯ" ಎಂದು ಬಣ್ಣಿಸಿದರು. ಒಬ್ಬ ಮುಸ್ಲಿಂ ಕೌನ್ಸಿಲರ್​ ತನ್ನ ಹಿಂದೂ ಸ್ನೇಹಿತನಿಗಾಗಿ ಇಂತ ದೊಡ್ಡ ತ್ಯಾಗವನ್ನು ಮಾಡಿ ಅತಿ ಹೆಚ್ಚು ಮುಸ್ಲಿಂ ಸಮುದಾಯದ ಜನರು ಇರುವ ವಾರ್ಡ್​​ ಅನ್ನು ಮುನ್ನಡೆಸಲು ಆಹ್ವಾನಿಸಿರುವುದು ನಿಜಕ್ಕೂ ಹೆಮ್ಮೆ ಪಡುವಂತಹ ವಿಷಯವಾಗಿದೆ. ಮೋಹನ್ ಶ್ರೀವಾಸ್ತವ ಅವರು ವಾರ್ಡ್ ನಂಬರ್​ 11 ರಿಂದ ಸ್ಪರ್ಧೆ ಮಾಡಿ ಚುನಾವಣೆಯಲ್ಲಿ ಸೋತಿದ್ದರೂ. ಈ ಸೊಲು ನಿಜಕ್ಕೂ ನನಗೆ ನಿರಾಶೆ ತಂದಿತ್ತು ಎಂದು ಹೇಳಿದರು.   

ಇದನ್ನೂ ಓದಿ :ಬಿಹಾರ​: ಪ್ರಾಣ ಉಳಿಸಿಕೊಳ್ಳಲು ಕಟ್ಟಡದಿಂದ ಜಿಗಿದ ಮಹಿಳೆ.. ಸ್ಥಿತಿ ಗಂಭೀರ