ಸಾಗರ ಪೊಲೀಸ್ ಠಾಣೆಗೆ ನುಗ್ಗಿದ ಬುಸ್​ ಬುಸ್​ ನಾಗಪ್ಪ

ಸಾಗರ ಗ್ರಾಮಾಂತರ ಪೊಲೀಸ್ ಠಾಣೆಯಲ್ಲಿ ನಾಗರ ಹಾವೊಂದು ಪ್ರತ್ಯಕ್ಷವಾಗಿದ್ದು, ಠಾಣೆಯಲ್ಲಿದ್ದವರನ್ನು ಗಲಿಬಿಲಿಗೊಳಿಸಿದೆ. ಸುಮಾರು 5 ಅಡಿ ಉದ್ದದ ನಾಗರ ಹಾವು, ಠಾಣೆಗೆ ದೂರು ನೀಡಲು ಬಂದಿದ್ದ ವ್ಯಕ್ತಿಯ ನೆರಳಿನಲ್ಲಿ ಇದ್ದದ್ದು ಗೋಚರಿಸಿದೆ. ತಕ್ಷಣ ಪೊಲೀಸರು ಸಾಗರದ ಉರಗ ರಕ್ಷಕ ಅನೂಪ್​ರನ್ನು ಕರೆಸಿ ನಾಗರ ಹಾವನ್ನು ಹಿಡಿದು ಸುರಕ್ಷಿತವಾಗಿ ಕಾಡಿಗೆ ಬಿಟ್ಟು ಬಂದಿದ್ದಾರೆ. ಇದರಿಂದ ಠಾಣ ಸಿಬ್ಬಂದಿ ಮತ್ತು ದೂರು ನೀಡಲು ಬಂದವರು ನಿಟ್ಟುಸಿರು ಬಿಟ್ಟಿರು.