25 ನಿಮಿಷ ಲಿಫ್ಟ್​ನಲ್ಲಿ ಸಿಲುಕಿದ ಬಾಲಕಿಯರು.. ವಿಡಿಯೋ ನೋಡಿ

ಘಾಜಿಯಾಬಾದ್​​ (ಉತ್ತರಪ್ರದೇಶ): ಮೂವರು ಬಾಲಕಿಯರು ಲಿಫ್ಟ್​​ನಲ್ಲಿ ಸಿಲುಕಿರುವ ಘಟನೆ ಜಿಲ್ಲೆಯ ಕ್ರಾಸಿಂಗ್​ ರಿಪಬ್ಲಿಕ್​ ನಗರದ ಅಸ್ಸೊಟೆಕ್​​ ನೆಕ್ಸ್​ಟ್ ಸೊಸೈಟಿ ಎಂಬಲ್ಲಿ ನಡೆದಿದೆ. ಮೂವರು ಬಾಲಕಿಯರು ಲಿಫ್ಟ್​ ಮೂಲಕ ಹೋಗುವಾಗ ತಾಂತ್ರಿಕ ದೋಷದಿಂದ ಸುಮಾರು 25 ನಿಮಿಷಗಳ ಕಾಲ ಲಿಫ್ಟ್ ಸ್ಥಗಿತಗೊಂಡಿದೆ. ಇದರಿಂದ ಭಯಗೊಂಡ ಬಾಲಕಿಯರು ಲಿಫ್ಟ್​​​​​​ನ ​ ಒಳಗಡೆ ಸಹಾಯಕ್ಕಾಗಿ ಮನವಿ ಮಾಡಿದ್ದಾರೆ. ಸ್ವಲ್ಪ ಸಮಯದ ಬಳಿಕ ಬಾಲಿಕಿಯರು ಲಿಫ್ಟ್​​ನಲ್ಲಿ ಸಿಲುಕಿರುವ ವಿಷಯ ತಿಳಿದು ಬಂದಿದ್ದು, ಕೂಡಲೇ ಅವರನ್ನು ಲಿಫ್ಟ್​​ ಮೂಲಕ ಹೊರ ಕರೆತರಲಾಗಿದೆ. ಈ ಕುರಿತು ಕ್ರಾಸಿಂಗ್ ರಿಪಬ್ಲಿಕ್ ಪೊಲೀಸ್ ಠಾಣೆಯಲ್ಲಿ ದೂರು ದಾಖಲಾಗಿದ್ದು, ಕಟ್ಟಡದ ನಿರ್ವಹಣೆಗೆ ಸಂಬಂಧಿಸಿದ ಅಧಿಕಾರಿಗಳು ಜವಾಬ್ದಾರಿಯನ್ನು ಸರಿಯಾಗಿ ನಿರ್ವಹಿಸುತ್ತಿಲ್ಲ ಎಂದು ದೂರಿನಲ್ಲಿ ತಿಳಿಸಲಾಗಿದೆ. ಅಲ್ಲದೇ ಲಿಫ್ಟ್ ನಿರ್ವಹಣೆ ಮಾಡುವ ಕಂಪನಿ ಮೇಲೂ ಆರೋಪ ಕೇಳಿ ಬಂದ ಹಿನ್ನೆಲೆ ಪೊಲೀಸರು ಪ್ರಕರಣ ದಾಖಲಿಸಿಕೊಂಡಿದ್ದಾರೆ.