ಗುಜರಾತ್​ನ ಸಂಪ್ರದಾಯಿಕ ನೃತ್ಯ ರಾಸ್​​ ಮೂಲಕ ಟ್ರಂಪ್​​ಗೆ ಸ್ವಾಗತ!

ಅಹಮದಾಬಾದ್​​​​: ಸಾಂಪ್ರದಾಯಿಕ ಜಾನಪದ ನೃತ್ಯ ತಂಡ ಮಹೇರ್​​ ಮಣಿಯಾರಾ, ಫೆ. 24ರಂದು ಭಾರತಕ್ಕೆ ಬರಲಿರುವ ಡೊನಾಲ್ಡ್​​​​ ಟ್ರಂಪ್​​ ಅವರನ್ನು ರಾಸ್​​ ನೃತ್ಯದ ಮೂಲಕ ಸ್ವಾಗತಿಸಲಿದ್ದಾರೆ. ಅಹಮದಾಬಾದ್​​​ನ ಮೊಟೆರಾದಲ್ಲಿ ಹೊಸದಾಗಿ ನಿರ್ಮಿಸಲಾಗಿದ್ದ, ವಿಶ್ವ ದರ್ಜೆಯ ಕ್ರಿಕೆಟ್​​ ಕ್ರೀಡಾಂಗಣ ಉದ್ಘಾಟನೆಗೆ ಟ್ರಂಪ್​​ ಬರಲಿದ್ದಾರೆ. ಗುಜರಾತ್‌ನ ಸಾಂಪ್ರದಾಯಿಕ ಜಾನಪದ ನೃತ್ಯವನ್ನು ಪ್ರದರ್ಶಿಸುವಲ್ಲಿ ಹೆಸರು ವಾಸಿಯಾದ ಮಹೇರ್ ಮನಿಯಾರಾ ಮತ್ತು ಲೀರ್‌ಬಾಯಿ ರಾಸ್ ಮಂಡಲ್ ತಂಡಗಳು ಈ ಪ್ರದರ್ಶನ ನೀಡಲಿವೆ. ಫೆಬ್ರವರಿ 23 ರಂದು ಪ್ರಧಾನಿ ಮೋದಿ ಅಹಮದಾಬಾದ್ ವಿಮಾನ ನಿಲ್ದಾಣಕ್ಕೆ ಆಗಮಿಸಿದಾಗ ಕೂಡ ನೃತ್ಯ ಪ್ರದರ್ಶನ ನೀಡಲಿದ್ದಾರೆ. ಈ ಎರಡು ತಂಡಗಳ, ಪುರುಷ ಮತ್ತು ಮಹಿಳಾ ನರ್ತಕಿಯರು, ಕಳೆದ ಎರಡು ದಿನಗಳಿಂದ ಪ್ರದರ್ಶನಕ್ಕಾಗಿ ಪೋರ್​​ಬಂದರ್‌ನಲ್ಲಿ ಅಭ್ಯಾಸ ಮಾಡುತ್ತಿದ್ದಾರೆ.