ವಿದ್ಯಾರ್ಥಿನಿಗೆ ಹಾವು ಕಚ್ಚಿದ್ರೂ ಆಸ್ಪತ್ರೆಗೆ ಸೇರಿಸದೆ ಪಾಠ ಮಾಡಿದ ಮೇಷ್ಟ್ರು... ಕೊನೆಗೇನಾಯ್ತು?

ವಿದ್ಯಾರ್ಥಿನಿಗೆ ಹಾವು ಕಚ್ಚಿದರೂ ಆಸ್ಪತ್ರೆಗೆ ಸೇರಿಸದೆ ಪಾಠ ಮಾಡಿದ ಗುರುಗಳಿಂದಾಗಿ ಆಕೆ ಪ್ರಾಣ ಬಿಟ್ಟ ಘಟನೆ ಕೇರಳದ ವಯನಾಡಿನ ಸುಲ್ತಾಣ್​ ಬತೇರಿಯಲ್ಲಿ ನಡೆದಿದೆ. ಮಗಳಿಗೆ ಹಾವು ಕಚ್ಚಿರುವ ಸುದ್ದಿ ತಿಳಿದು ತಂದೆ ಶಾಲೆಗೆ ದೌಡಾಯಿಸಿ ಸ್ಥಳೀಯ ಆಸ್ಪತ್ರೆಗೆ ಕೊಂಡೊಯ್ದಿದ್ದರು. ಅಲ್ಲಿನ ವೈದ್ಯರು ಕೋಯಿಕ್ಕೋಡ್​​ ಆಸ್ಪತ್ರೆಗೆ ಕರೆದೊಯ್ಯಲು ಸೂಚಿಸಿದ್ದಾರೆ. ಆದ್ರೆ ಬಾಲಕಿ ಅಷ್ಟೋತ್ತಿಗಾಗಲೇ ಸಾವನ್ನಪ್ಪಿದ್ದಳು. ಬಾಲಕಿ ಮೃತಪಟ್ಟಿರುವ ಘಟನೆ ತೀವ್ರವಾಗಿ ಪರಿಗಣಿಸಿದ ಕೇರಳ ಶಿಕ್ಷಣ ಸಚಿವ ರವೀಂದ್ರನಾಥ್​ ಸ್ಪಂದಿಸಿದ್ದಾರೆ. ಈ ಘಟನೆಯ ಪೂರ್ತಿ ವಿವರ ಸಲ್ಲಿಸುವಂತೆ ಅಧಿಕಾರಿಗಳಿಗೆ ಆದೇಶಿಸಿದ್ದಾರೆ. ಕೇರಳ ಶಿಕ್ಷಣ ವಿಭಾಗವೂ ಸಹ ಘಟನೆಯ ವಿವರ ಸಲ್ಲಿಸುವಂತೆ ತಿಳಿಸಿದೆ. ಬಾಲಕಿ ಸಾವಿಗೆ ಕಾರಣವಾದವರ ಮೇಲೆ ಕಠಿಣ ಕ್ರಮ ಕೈಗೊಳ್ಳಲಾಗುವೆಂದು ವಯನಾಡು​ ಜಿಲ್ಲಾಧಿಕಾರಿ ಅದೀಲಾ ಅಬ್ದುಲ್ಲಾ ಹೇಳಿದ್ದಾರೆ.