ಹಾಕಿ ಫೈನಲ್​ ಪಂದ್ಯದ ವೇಳೆ ಹೊಡೆದಾಟ... ಮೈದಾನದಲ್ಲೇ ಎರಡು ತಂಡಗಳ ನಡುವೆ ಫೈಟ್​!

ನವದೆಹಲಿ: ನೆಹರು ಕಪ್​ ಹಾಕಿ ಫೈನಲ್​ ಪಂದ್ಯದ ವೇಳೆ ಪಂಜಾಬ್​ ಪೊಲೀಸ್​ ಹಾಕಿ ಹಾಗೂ ಪಂಜಾಬ್​ ನ್ಯಾಷನಲ್​ ಬ್ಯಾಂಕ್​ ತಂಡಗಳ ನಡುವೆ ಗಲಾಟೆ ನಡೆದಿದ್ದು, ಮೈದಾನದಲ್ಲೇ ಎರಡು ತಂಡದ ಆಟಗಾರರು ಹೊಡೆದಾಡಿಕೊಂಡಿದ್ದಾರೆ. ಪಂದ್ಯ ನಡೆಯುತ್ತಿದ್ದ ವೇಳೆ ಎರಡು ತಂಡಗಳ ನಡುವೆ ಜಗಳವಾಗಿದ್ದು, ಅದು ತಾರಕ್ಕೇರಿದಾಗ ಈ ಘಟನೆ ನಡೆದಿದೆ ಎಂದು ತಿಳಿದು ಬಂದಿದೆ. ಇದೇ ವಿಷಯಕ್ಕೆ ಸಂಬಂಧಿಸಿದಂತೆ ಪ್ರತಿಕ್ರಿಯೆ ನೀಡಿರುವ ಹಾಕಿ ಇಂಡಿಯಾದ ಸಿಇಒ ಎಲೆನಾ ನಾರ್ಮನ್​, ಟೂರ್ನಾಮೆಂಟ್​ ಆಯೋಜನೆ ಮಾಡಿದ್ದ ಅಧಿಕಾರಿಗಳ ಅಧಿಕೃತ ವರದಿಗಾಗಿ ಕಾಯುತ್ತಿದ್ದೇವೆ ಎಂದು ತಿಳಿಸಿದ್ದಾರೆ.