ಪಾದಚಾರಿ ಸೇತುವೆ ಮೇಲೆ ದುಷ್ಕರ್ಮಿಯ ಅಟ್ಟಹಾಸ: ಚಾಕುವಿನಿಂದ ಕೊಲೆ ಯತ್ನ

ಮಹಾರಾಷ್ಟ್ರದ ಮುಂಬೈನ ಕುರ್ಲಾ ಪ್ರದೇಶದ ಪಾದಚಾರಿ ಸೇತುವೆಯ ಮೇಲೆ ದುಷ್ಕರ್ಮಿಯೋರ್ವ ವ್ಯಕ್ತಿಯ ಮೇಲೆ ಏಕಾಏಕಿ ಚಾಕು ದಾಳಿ ನಡೆಸಿದ್ದಾನೆ. ಅದೃಷ್ಟವಶಾತ್​ ವ್ಯಕ್ತಿಗೆ ಯಾವುದೇ ಗಾಯಗಳಾಗಿಲ್ಲ. ‘ಯಾವುದೇ ಹಣ ಕದಿಯಲು ಅಥವಾ ದರೋಡೆಗೆ ದುಷ್ಕರ್ಮಿ ಪ್ರಯತ್ನಿಸಿಲ್ಲ. ಇದು ತೀವ್ರವಾದ ಗಾಯ ಅಥವಾ ಕೊಲೆ ಮಾಡುವ ಉದ್ದೇಶದಿಂದ ಮಾಡಿದ ದಾಳಿಯಾಗಿರಬಹುದು’ ಎಂದು ಪೊಲೀಸ್ ಅಧಿಕಾರಿಯೊಬ್ಬರು ಹೇಳಿದ್ದಾರೆ.