ನಿತೀಶ್​ ರ‍್ಯಾಲಿ ವೇಳೆ 'ಲಾಲೂ ಜಿಂದಾಬಾದ್​​​' ಸ್ಲೋಗನ್​​​... ಸ್ಟಾಪ್​ ದಿಸ್​ ನಾನ್ಸೆನ್ಸ್​ ಎಂದ ಸಿಎಂ!

ಚಾಪ್ರಾ(ಬಿಹಾರ): ಬಿಹಾರ ವಿಧಾನಸಭಾ ಚುನಾವಣೆ ಪ್ರಚಾರ ಕಣ ದಿನದಿಂದ ದಿನಕ್ಕೆ ರಂಗೇರುತ್ತಿದ್ದು, ವಿವಿಧ ಪಕ್ಷದ ಮುಖಂಡರು ತಮ್ಮ ಅಭ್ಯರ್ಥಿಗಳ ಪರ ಪ್ರಚಾರ ರ‍್ಯಾಲಿ ನಡೆಸುತ್ತಿದ್ದಾರೆ. ಚಾಪ್ರಾದಲ್ಲಿ ಜೆಡಿಯು ಅಭ್ಯರ್ಥಿ ಚಂದ್ರಿಕಾ ರಾಯ್​ ಪರ ಪ್ರಚಾರ ನಡೆಸುತ್ತಿದ್ದ ವೇಳೆ ಸಿಎಂ ಇರಿಸು ಮುರಿಸುಗೊಂಡಿರುವ ಘಟನೆ ನಡೆದಿದೆ. ಪ್ರಚಾರ ಸಭೆಯಲ್ಲಿ ಭಾಗಿಯಾಗಿ ಭಾಷಣ ಮಾಡ್ತಿದ್ದ ವೇಳೆ ಸ್ಥಳದಲ್ಲಿ ಸೇರಿದ್ದ ಕೆಲವರು ಲಾಲೂ ಜಿಂದಾಬಾದ್​​ ಎಂದು ಘೋಷಣೆ ಕೂಗಿದ್ದಾರೆ. ಇದರಿಂದ ಆಕ್ರೋಶಗೊಂಡ ಮುಖ್ಯಮಂತ್ರಿ ನಿತೀಶ್​ ಕುಮಾರ್​​ ಸ್ಟಾಪ್​ ದಿಸ್​ ನಾನ್ಸೆನ್ಸ್​​ ಎಂದು ಆಕ್ರೋಶದಲ್ಲೇ ಹೇಳಿದ್ದಾರೆ. ನೀವೂ ಏನ್​ ಹೇಳ್ತಿದ್ದೀರಿ? ಆ ರೀತಿಯಾಗಿ ಕೂಗುತ್ತಿರುವವರು ನಿಮ್ಮ ಕೈ ಮೇಲೆ ಎತ್ತಿರಿ ಎಂದು ಗರಂ ಆಗಿದ್ದಾರೆ.