ಅಪರೂಪದ ಸನ್ನಿವೇಶಕ್ಕೆ ಸಾಕ್ಷಿಯಾದ ಕುಗ್ರಾಮ: ಆತ ತನ್ನರಸಿಯ ಆಸೆ ಹೀಗೆ ಈಡೇರಿಸಿದ!

ಉತ್ತರ ಪ್ರದೇಶ: ಮದುವೆಯಾದ ನೂತನ ದಂಪತಿಯ ಅಪರೂಪದ ಸನ್ನಿವೇಶಕ್ಕೆ ಉತ್ತರ ಪ್ರದೇಶದ ಹಳ್ಳಿಯೊಂದು ಸಾಕ್ಷಿಯಾಗಿದೆ. ಕೈ ಹಿಡಿದ ಹೆಂಡತಿಯನ್ನು ಹೆಲಿಕಾಪ್ಟರ್​ನಲ್ಲಿ ಕರೆದುಕೊಂಡು ಬರುವ ಮೂಲಕ ಗಂಡ ತನ್ನ ಮನೆ ತುಂಬಿಸಿಕೊಂಡಿದ್ದಾನೆ. ಹೆಂಡತಿ ಮೇಲಿನ ತನ್ನ ಪ್ರೇಮವನ್ನು ಈ ರೀತಿಯಾಗಿ ತೋರ್ಪಡಿಸಿದ್ದಕ್ಕೆ ಹಳ್ಳಿಯ ಜನರೂ ಕಕ್ಕಾಬಿಕ್ಕಿಯಾಗಿದ್ದಾರೆ. ಯಾವತ್ತೂ ಹತ್ತಿರದಿಂದ ಹೆಲಿಕಾಪ್ಟರ್ ನೋಡದ ಹಳ್ಳಿಯ ಜನ ಅದರ ಸದ್ದು ಕೇಳಿ ಅಚ್ಚರಿ ವ್ಯಕ್ತಪಡಿಸಿದ್ದಾರೆ. ಮದುವೆ ಬಳಿಕ ತನ್ನನ್ನು ಹೀಗೆ ಕರೆದೊಯ್ಯುವಂತೆ ಮದುಮಗಳು ತನ್ನ ಆಸೆ ಹೇಳಿಕೊಂಡಿದ್ದಳಂತೆ. ಅದರಂತೆ ಮದುಮಗನು ತನ್ನ ಹೆಂಡತಿಯನ್ನು ಹೆಲಿಕಾಪ್ಟರ್​ನಲ್ಲಿ ಕರೆತಂದಿದ್ದಾನೆ.