ನೋಡಿ: ಗುರುಗ್ರಾಮ್​-ದೆಹಲಿ ಗಡಿಯಲ್ಲಿ ಉಸಿರುಗಟ್ಟಿಸುವ ಟ್ರಾಫಿಕ್​ ಜಾಮ್!

ಗುರುಗ್ರಾಮ್​: ದೇಶದ ಮಹಾನಗರಗಳಲ್ಲಿ ವಾಸಿಸುತ್ತಿರುವ ಜನರು ನಿಸ್ಸಂಶಯವಾಗಿ ಸಂಚಾರ ದಟ್ಟಣೆಯ ತೊಂದರೆಗೆ ಒಳಗಾಗುತ್ತಿರುತ್ತಾರೆ. ಅತಿ ಹೆಚ್ಚು ಜನಸಂಖ್ಯೆ ಇರುವ ದೆಹಲಿಯಲ್ಲೂ ಇಂತಹ ಸಂದರ್ಭಗಳು ಪ್ರತಿದಿನ ನಡೆಯುತ್ತವೆ. ಇಂದು ಸಂಜೆ ಗುರುಗ್ರಾಮ್​- ದೆಹಲಿ ಗಡಿಯಲ್ಲಿ ಭಾರಿ ಸಂಚಾರ ದಟ್ಟನೆ ಉಂಟಾಗಿತ್ತು. ಪರಿಣಾಮ, ಸಾವಿರಾರು ವಾಹನಗಳು ಗಂಟೆಗಟ್ಟಲೆ ನಿಂತಲ್ಲೇ ನಿಂತಿದ್ದವು. ಕಿಲೋ ಮೀಟರ್​ಗೂ ಹೆಚ್ಚು ದೂರ ವಾಹನಗಳು ಸಾಲುಗಟ್ಟಿ ನಿಂತಿದ್ದ ದೃಶ್ಯ ಅಲ್ಲಿತ್ತು. ಕಣ್ಣು ಹಾಯಿಸಿದಷ್ಟೂ ದೂರ ವಾಹನಗಳ ಕೆಂಪು ಬೆಳಕು ಕಂಡುಬಂತು.