ಮಕ್ಕಳಿಲ್ಲದ ದಂಪತಿಗೆ ಮಗನಂತಿದ್ದ ಶ್ವಾನ ಇನ್ನಿಲ್ಲ... ಸಾಕು ನಾಯಿಗೆ ಮನುಷ್ಯರಂತೆ ಅಂತ್ಯಸಂಸ್ಕಾರ

ಕರ್ನೂಲ್​(ಆಂಧ್ರಪ್ರದೇಶ): 17 ವರ್ಷಗಳಿಂದ ಕುಟುಂಬದ ಸದಸ್ಯನಂತಿದ್ದ ಸಾಕು ನಾಯಿ ಇನ್ನಿಲ್ಲ. ಈ ದುಃಖದ ವಿಷಯವನ್ನು ಹೇಳಲು ಮಾತುಗಳೇ ಹೊರಡುತ್ತಿಲ್ಲ. ಹೌದು, ಪ್ರೀತಿಯ ಶ್ವಾನ ತೀವ್ರ ಅನಾರೋಗ್ಯದಿಂದ ಮೃತಪಟ್ಟ ಹಿನ್ನೆಲೆ ಅದಕ್ಕೆ ಮನುಷ್ಯರಂತೆಯೇ ಅಂತ್ಯ ಸಂಸ್ಕಾರ ನೆರವೇರಿಸುವ ಮೂಲಕ ಅದರ ಮಾಲೀಕರು ಅಲ್ಲಲ್ಲ... ಅದರ ಅಪ್ಪ-ಅಮ್ಮನಂತಿದ್ದ ದಂಪತಿ ಮಾನವೀಯತೆ ಮೆರೆದಿರುವ ಘಟನೆ ಘಟನೆ ಕರ್ನೂಲು ಜಿಲ್ಲೆಯ ಆಳ್ಲಗಡ್ಡೆ ನಗರದಲ್ಲಿ ನಡೆದಿದೆ. ಭಾಸ್ಕರ್​ ರೆಡ್ಡಿ ಹಾಗೂ ಲತಾ ದಂಪತಿ ಮಕ್ಕಳಿಲ್ಲದ ಕಾರಣ ನಾಯಿಯನ್ನು ಸ್ವಂತ ಮಗನಂತೆ ಸಾಕಿದ್ದರು. ಒಂದು ವಾರದಿಂದ ಅದು ತೀವ್ರ ಅನಾರೋಗ್ಯದಿಂದ ಬಳಲುತ್ತಿತ್ತು. ಇಂದು ಕೊನೆಯುಸಿರೆಳೆದಿದೆ. ಅಗಲಿದ ನೆಚ್ಚಿನ ಶ್ವಾನಕ್ಕೆ ಈ ದಂಪತಿ ಅದರ ನಿಷ್ಠೆಗೆ ಗೌರವ ಸಲ್ಲಿಸುವ ಮೂಲಕ ಅಂತ್ಯ ಸಂಸ್ಕಾರ ಮಾಡಿದ್ದಾರೆ.