ಗಾಂಧಿ ಸಿದ್ಧಾಂತ ಅಳವಡಿಸಿಕೊಳ್ಳುವ ಮುನ್ನ 'ಗೋಡ್ಸೆ ನಾಶವಾದಿ' ಎಂದು ಒಪ್ಪಲಿ: ಬಿಜೆಪಿಗೆ ಸಿಎಂ ಬಾಘೆಲ್ ಟಾಂಗ್​

ರಾಯ​ಪುರ (ಛತ್ತೀಸ್​ಗಢ): ಬಿಜೆಪಿಯ ಮೇಲೆ ಹರಿಹಾಯ್ದಿರುವ ಛತ್ತೀಸ್‌ಗಢದ ಮುಖ್ಯಮಂತ್ರಿ ಭೂಪೇಶ್ ಬಾಘೆಲ್, ಮಹಾತ್ಮ ಗಾಂಧಿ, ನೇತಾಜಿ ಸುಭಾಷ್​ ಚಂದ್ರ ಬೋಸ್ ಅವರ ಸಿದ್ಧಾಂತಗಳನ್ನು ಬಿಜೆಪಿ ಅಳವಡಿಸಿಕೊಳ್ಳಲು ಬಯಸಿದರೆ, ಮೊದಲು ಗಾಂಧಿ ಹಂತಕ ನಾಥೂರಾಮ್‌​ ಗೋಡ್ಸೆ ಒಬ್ಬ 'ನಾಶವಾದಿ' ಎಂಬುದನ್ನು ಒಪ್ಪಿಕೊಳ್ಳಬೇಕು. ಸಾವರ್ಕರ್ ಸಿದ್ಧಾಂತಗಳನ್ನು ತ್ಯಜಿಸಬೇಕು ಮತ್ತು ಸ್ವಾತಂತ್ರ್ಯ ಹೋರಾಟದ ಇತಿಹಾಸವನ್ನು ತಿಳಿದುಕೊಳ್ಳಬೇಕು ಎಂದು ಟಾಂಗ್​ ನೀಡಿದ್ದಾರೆ.