ಎಕ್ಸೆಲ್​​​​ ಕಟ್​ ಆಗಿ ಕಾರ್​ಗೆ ಗುದ್ದಿದ ಟ್ರಕ್​... ಮನೆಗೆ ತೆರಳುತ್ತಿದ್ದ ಆರು ಜನ ಸೇರಿದ್ರು ಮಸಣ!

ಎಕ್ಸೆಲ್​​​ ಕಟ್​ ಆಗಿ ಎದುರಿಗೆ ಬರುತ್ತಿದ್ದ ಕಾರ್​ಗೆ ಟ್ರಕ್​ ಗುದ್ದಿದ ಪರಿಣಾಮ ಸ್ಥಳದಲ್ಲೇ ಆರು ಜನ ಸಾವನ್ನಪ್ಪಿರುವ ಘಟನೆ ಮಹಾರಾಷ್ಟ್ರದ ಎರಂಡೋಲ್​ ನಗರದ ಹೊರವಲಯದಲ್ಲಿ ನಡೆದಿದೆ. ಟ್ರಕ್​ ಗುದ್ದಿದ ರಭಸಕ್ಕೆ ಪ್ರಯಾಣಿಕರ ದೇಹಗಳು ಕಾರಿನಿಂದ ಹಾರಿ ಬಿದ್ದಿದ್ದು, 6 ಜನರು ಸ್ಥಳದಲ್ಲೇ ಮೃತಪಟ್ಟಿದ್ದಾರೆ. ಮಧ್ಯಾಹ್ನ 3:30ಕ್ಕೆ ಟ್ರಕ್​ ಧುಲೇಯಿಂದ ಜಲ್ಗಾಂವ್​ ಕಡೆ ತೆರಳುತ್ತಿದ್ದ ವೇಳೆ ಎಕ್ಸೆಲ್​ ಕಟ್​ ಆಗಿದೆ. ಹೀಗಾಗಿ ಈ ಭೀಕರ ದುರಂತ ಸಂಭವಿಸಿದೆ. ಅಪಘಾತದಲ್ಲಿ ಮೂವರು ಗಂಭೀರವಾಗಿ ಗಾಯಗೊಂಡಿದ್ದು, ಸಾವಿನ ಸಂಖ್ಯೆ ಏರುವ ಸಾಧ್ಯತೆಯಿದೆ. ಈ ಘಟನೆ ಕುರಿತು ಪೊಲೀಸ್​ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದ್ದು, ಪೊಲೀಸರು ಮುಂದಿನ ಕ್ರಮ ಕೈಗೊಂಡಿದ್ದಾರೆ.