ಬೋರ್​ವೆಲ್​ನಲ್ಲಿ ಬಿದ್ದ ಕಂದಮ್ಮ ಬಚಾವ್‌, ಮೃತ್ಯುವಿನ ಮುಖ ನೋಡಿ ಬಂದ ಬಾಲಕ!

ಐದು ವರ್ಷದ ಬಾಲಕ ಯಮನೊಂದಿಗೆ ಹೋರಾಡಿ ಗೆದ್ದು ಬಂದ ಘಟನೆ ಉತ್ತರಪ್ರದೇಶದ ಮಥುರಾದಲ್ಲಿ ನಡೆದಿದೆ. ಕೆಲ ದಿನಗಳ ಹಿಂದೆ ಬಾಲಕನೋರ್ವ ಆಕಸ್ಮಿತವಾಗಿ ನೂರು ಅಡಿ ಆಳದ ಬೋರ್​ವೆಲ್​ಗೆ ಕಾಲು ಜಾರಿ ಬಿದ್ದಿದ್ದ. ಆತನನ್ನು ಮೃತ್ಯುಕೂಪದಿಂದ ಮೇಲೆತ್ತಲು ಭರದಿಂದ ರಕ್ಷಣಾ ಕಾರ್ಯಾಚರಣೆ ನಡೆಸಲಾಗಿತ್ತು. ಸತತ 8 ಗಂಟೆಗಳ ಕಾಲ ನಡೆದ ರಕ್ಷಣಾ ಕಾರ್ಯ ಬಾಲಕನನ್ನು ಜೀವಂತವಾಗಿ ಹೊರೆತೆಗೆಯುವ ಮೂಲಕ ಯಶಸ್ವಿಯಾಯಿತು. ಕಂದಮ್ಮ ಬೋರ್‌ವೆಲ್‌ ಬಾವಿಯಿಂದ ಹೊರಬರುತ್ತಿದ್ದಂತೆ ಪೋಷಕರ ಕಣ್ಣಂಚು ತೇವಗೊಂಡಿತ್ತು.