ಪ್ರೌಢಾವಸ್ಥೆಗೆ ಬಂದ ಯುವಕ-ಯುವತಿಯರಲ್ಲಿ ಕಾಮ ಭಾವನೆಗಳು ಉದ್ರೇಕಗೊಳ್ಳುವುದು ಸಹಜ. ಅವರಲ್ಲಿ ಲೈಂಗಿಕ ಸಾಮರ್ಥ್ಯ ಸಂತೃಪ್ತವಾಗಿರಬೇಕಾದರೆ ಅವರ ದೈಹಿಕ ಆರೋಗ್ಯವೂ ಕೂಡ ಉತ್ತಮವಾಗಿರಬೇಕು.
ಪುರುಷ ಮತ್ತು ಮಹಿಳೆಯಲ್ಲಿ ಲೈಂಗಿಕ ಭಾವನೆಗಳು ಕುಗ್ಗಿದ್ದರೆ, ಕಾಮ ಭಾವನೆಗಳನ್ನು ತೋರ್ಪಡಿಸದಿದ್ದರೆ ಅವರು ದೈಹಿಕವಾಗಿ ಮತ್ತು ಮಾನಸಿಕವಾಗಿ ಯಾವುದೋ ಸಮಸ್ಯೆಯನ್ನು ಎದುರಿಸುತ್ತಿದ್ದಾರೆ ಎಂದರ್ಥ.
ಮಹಿಳೆಯರು ಮತ್ತು ಪುರುಷರಲ್ಲಿ ಲೈಂಗಿಕ ಸಮಸ್ಯೆಗಳಿದ್ದರೆ ಅಂಥವರು ಲೈಂಗಿಕ ಭಾವನೆ ತೋರ್ಪಡಿಸುವುದು ಮತ್ತು ಸಂಭೋಗದಿಂದ ದೂರವಿರಲು ಬಯಸುತ್ತಾರೆ. ಸಮಸ್ಯೆಯ ಕಾರಣ ಅವರು ಲೈಂಗಿಕ ವಿಷಯದಲ್ಲಿ ಆಸಕ್ತಿ ಕಳೆದುಕೊಂಡಿರುತ್ತಾರೆ. ಹಾಗಾದರೆ, ಪುರುಷ- ಮಹಿಳೆಯಲ್ಲಿ ಲೈಂಗಿಕ ಭಾವನೆ ಮತ್ತು ದಾಂಪತ್ಯ ಜೀವನ ಸುಖಮಯವಾಗಿರಲು ಏನು ಮಾಡಬೇಕು? ಲೈಂಗಿಕತೆಯನ್ನು ಮತ್ತೆ ಮರಳಿ ಹೇಗೆ ಪಡೆಯಬಹುದು. ಯಾವ ಅಂಶಗಳು ಲೈಂಗಿಕತೆಯನ್ನು ಉದ್ರೇಕಿಸುತ್ತವೆ ಎಂಬ ಆಸಕ್ತಿದಾಯಕ ವಿಷಯಗಳನ್ನು ತಿಳಿದುಕೊಳ್ಳೋಣ.
ಪ್ರಣಯಕ್ಕೆ ಫೀಲ್ಗುಡ್ ಹಾರ್ಮೋನ್
ಅದೆಷ್ಟೋ ಜನ ಪ್ರಣಯದ ಸುಖ ಅನುಭವಿಸಬೇಕು ಎಂದು ಹಾತೊರೆಯುತ್ತಿದ್ದರೂ ಅವರಲ್ಲಿ ಕೆಲ ಹಾರ್ಮೋನ್ಗಳ ಸಮಸ್ಯೆಯಿಂದ ಅವರು ಸುಖಾನುಭವವನ್ನು ಪಡೆಯುವಲ್ಲಿ ಸೋತಿರುತ್ತಾರೆ. ಗಂಡು- ಹೆಣ್ಣಿನ ನಡುವಿನ ಪ್ರಣಯ ನೆಮ್ಮದಿ ಮತ್ತು ಆರೋಗ್ಯವನ್ನು ನೀಡುತ್ತದೆ. ಪ್ರಣಯ ಸುಖಾನುಭವದಲ್ಲಿ 'ಫೀಲ್ ಗುಡ್ ಹಾರ್ಮೋನ್' (Feel Good Hormones)ಗಳು ಪ್ರಮುಖ ಪಾತ್ರ ವಹಿಸುತ್ತವೆ. ಇವುಗಳನ್ನು ಪ್ರೀತಿಯ ಹಾರ್ಮೋನ್ಗಳು ಎಂದೂ ಕೂಡ ಕರೆಯುತ್ತಾರೆ. ಮನುಷ್ಯ ಖುಷಿ ಕೊಡುವ, ಸಂತೋಷಕರವಾದ ವಿಷಯಗಳಲ್ಲಿ ಭಾಗವಹಿಸಿದಾಗ ಈ ಫೀಲ್ ಗುಡ್ ಹಾರ್ಮೋನ್ಗಳು ದೇಹದಲ್ಲಿ ಬಿಡುಗಡೆಯಾಗುತ್ತವೆ. ಈ ಹಾರ್ಮೋನ್ಗಳು ವಿರುದ್ಧ ಲಿಂಗಗಳನ್ನು ಸೆಳೆಯುತ್ತವೆ ಎಂಬುದು ಅಧ್ಯಯನದ ಸಾರ.
ಭಾವನೆಗಳನ್ನು ಉದ್ರೇಕಿಸುವ 'ಡೋಪಮೈನ್'
ಡೋಪಮೈನ್ ಹಾರ್ಮೋನ್ ಮನುಷ್ಯನ ಭಾವನೆಗಳನ್ನು ಕೆರಳಿಸುವ, ಕಾಮ ಭಾವನೆಯನ್ನು ಉದ್ರೇಕಗೊಳಿಸುವ ಅಂಶವನ್ನು ಹೊಂದಿರುತ್ತವೆ. ಇದು ಪುರುಷ ಮತ್ತು ಮಹಿಳೆ ರತಿಕ್ರೀಡೆಯಲ್ಲಿ ಪಾಲ್ಗೊಂಡಾಗ 'ಡೋಪಮೈನ್' ಹಾರ್ಮೋನ್ ಉತ್ಪತ್ತಿಯಾಗುತ್ತದೆ.
ಗಂಡು ಮತ್ತು ಹೆಣ್ಣು ಪರಸ್ಪರ ಅಪ್ಪಿಕೊಂಡರೂ, ಪೋಲಿ ಮಾತುಗಳನ್ನಾಡಿದರೂ, ಪರಸ್ಪರ ಹೊಗಳಿಕೊಂಡರೂ ಅಥವಾ ಒಬ್ಬರನ್ನೊಬ್ಬರು ದೇಹ ಸ್ಪರ್ಶ ಮಾಡಿದರೂ ಈ ಡೋಪಮನ್ ಹಾರ್ಮೋನ್ ಇಬ್ಬರ ದೇಹದಲ್ಲೂ ಬಿಡುಗಡೆಯಾಗುತ್ತದೆ. ಈ ವೇಳೆ ಇಬ್ಬರ ಮಧ್ಯೆ ತಾನಾಗಿಯೇ ಲೈಂಗಿಕ ಕ್ರಿಯೆಯಲ್ಲಿ ಮುಂದುವರಿಯಲು ಉತ್ತೇಜಿಸುತ್ತದೆ.
ಆಲಿಂಗನಕ್ಕೆ 'ಆಕ್ಸಿಟೋಸಿನ್' ಹಾರ್ಮೋನ್
ಕಾಮ ಭಾವನೆಗಳನ್ನು ಉದ್ರೇಕಿಸುವ ಮತ್ತೊಂದು ಹಾರ್ಮೋನ್ ಅಂದ್ರೆ 'ಆಕ್ಸಿಟೋಸಿನ್'. ಮೆದುಳಿನಿಂದ ಉತ್ಪತ್ತಿಯಾಗುವ ಹಾರ್ಮೋನ್ ಇದಾಗಿದೆ. ಈ ಹಾರ್ಮೋನ್ ಗಂಡು- ಹೆಣ್ಣನ್ನು ಲೈಂಗಿಕ ಕ್ರಿಯೆ ಮತ್ತು ಪ್ರೀತಿಯ ಆಲಿಂಗನಕ್ಕೆ ಹೆಚ್ಚಾಗಿ ಉತ್ತೇಜಿಸುತ್ತದೆ. ಅಲ್ಲದೇ, ಇಬ್ಬರಲ್ಲೂ ಸಂತೋಷ, ನೆಮ್ಮದಿಯನ್ನು ಕೂಡ ಉಂಟು ಮಾಡುತ್ತದೆ. ಯಾವಾಗ ಮನುಷ್ಯರು ಲವಲವಿಕೆಯಿಂದ ಇರುತ್ತಾರೋ ಆ ವೇಳೆ ದೇಹದಲ್ಲಿ ರೋಗ ನಿರೋಧಕ ಶಕ್ತಿ ತನ್ನಷ್ಟಕ್ಕೆ ತಾನೇ ಹೆಚ್ಚುತ್ತಾ ಹೋಗುತ್ತದೆ ಎಂಬುದು ಅಧ್ಯಯನದಲ್ಲಿ ತಿಳಿದುಬಂದಿದೆ.
ಈ ಫೀಲ್ ಗುಡ್ ಹಾರ್ಮೋನ್ ಮನುಷ್ಯನಲ್ಲಿ ಇಮ್ಯುನಿಟಿ ಪವರ್ ಹೆಚ್ಚಿಸುವುದರ ಜೊತೆಗೆ ಆರೋಗ್ಯವನ್ನೂ ಕೂಡ ಉತ್ತಮವಾಗಿರಿಸಲು ಸಹಕರಿಸುತ್ತವೆ. ಇದಕ್ಕಾಗಿಯೇ ಗಂಡು- ಹೆಣ್ಣಿನ ಮಧ್ಯೆ ನಡೆಯುವ ಲೈಂಗಿಕತೆಯು ಆರೋಗ್ಯವನ್ನು ವೃದ್ಧಿಸುತ್ತದೆ ಎಂದು ಹೇಳಲಾಗುತ್ತದೆ.
ಇಷ್ಟು ಮಾತ್ರವಲ್ಲದೇ ಮನುಷ್ಯನಲ್ಲಿ ಪ್ರಣಯ ಭಾವನೆಗಳು ಇರಬೇಕು. ಆಗ ಮನುಷ್ಯ ಚೈತನ್ಯದಿಂದಿರಲು ಸಾಧ್ಯವಾಗುತ್ತದೆ ಎಂದು ವೈದ್ಯರು ಹೇಳುತ್ತಾರೆ.
