ಸ್ಯಾನ್ಫ್ರಾನ್ಸಿಸ್ಕೋ: ಗ್ರಾಹಕ ವರದಿಗಳ ಪರೀಕ್ಷೆಯ ವೇಳೆ ಜನಪ್ರಿಯ ಚಾಕೊಲೆಟ್ ಬ್ರ್ಯಾಂಡ್ಗಳಲ್ಲಿ ವಿಷಕಾರಿ ಸೀಸ ಮತ್ತು ಕ್ಯಾಡ್ಮಿಯಂ ಅಂಶಗಳು ಸಿಕ್ಕಿವೆ ಎಂದು ಅಮೆರಿಕದ ಲಾಭರಹಿತ ಗುಂಪು ತಿಳಿಸಿದೆ. ಆದರೆ, ಇದರಲ್ಲಿರುವ ಚಾಕೊಲೆಟ್ ಮತ್ತು ಕೊಕೊ ತಿನ್ನಲು ಸುರಕ್ಷಿತವಾಗಿದೆ ಎಂದು ಎನ್ಸಿಎ ಸ್ಪಷ್ಟಪಡಿಸಿದೆ.
ಫೋರ್ಬ್ಸ್ ವರದಿ ಪ್ರಕಾರ, ಚಾಕೊಲೆಟ್ ಉತ್ಪನ್ನದ ಏಳು ವರ್ಗದಲ್ಲಿ 48 ಉತ್ಪನ್ನಗಳನ್ನು ಪರೀಕ್ಷೆ ಮಾಡಲಾಗಿದೆ. ಇದರಲ್ಲಿ 16 ಉತ್ಪನ್ನಗಳಲ್ಲಿ ಅಧಿಕ ಮಟ್ಟದ ಸೀಸ ಮತ್ತು ಕ್ಯಾಡ್ಮಿಯಂ ಪತ್ತೆಯಾಗಿದೆ ಎಂದು ಮಾಹಿತಿ ನೀಡಿದೆ. ಡಾರ್ಕ್ ಚಾಕೊಲೇಟ್ ಬಾರ್ ಮತ್ತು ವಾಲ್ಮಾರ್ಟ್ ಅವರ ಚಾಕೊಲೆಟ್ ಮಿಶ್ರ ಮತ್ತು ಹಾರ್ಶಿಸ್ ಅವರ ಕೊಕೊ ಪೌಡರ್ ಮತ್ತು ಡ್ರೊಸ್ಟೆ, ಟಾರ್ಗೆಟ್ನ ಸೆಮಿ ಸ್ವೀಟ್ ಚಾಕೊಲೆಟ್ ಚಿಪ್ಸ್ ಮತ್ತು ಟ್ರೇಡರ್ಸ್ ಜೋ ಅವರ ಚಾಕೊಲೆಟ್ ಮಿಶ್ರಣದಲ್ಲಿ, ನೆಸ್ಲೆ ಮತ್ತು ಸ್ಟಾರ್ಬಕ್ಸ್ ಉತ್ಪನದಲ್ಲಿ ಅಧಿಕ ಮಟ್ಟದ ಲೋಹದ ಅಂಶ ದೊರೆತಿದೆ ಎಂದು ಗ್ರಾಹಕ ವರದಿ ಫಲಿತಾಂಶಗಳು ಹೇಳಿವೆ.
ನೆಸ್ಲೆ ಒಡೆತನದ ಪೆರುಜಿನಾದ ಡಾರ್ಕ್ ಚಾಕೊಲೆಟ್ನಲ್ಲಿ ಅಧಿಕ ಮಟ್ಟದ ಸೀಸ ಮತ್ತು ಎವೊಲ್ವೆಡ್ನಲ್ಲಿ ಕ್ಯಾಡ್ಮಿಯಂ ಅಂಶ ಪತ್ತೆಯಾಗಿದೆ. ಗ್ರಾಹಕರ ವರದಿ ಲೇಖನಕ್ಕೆ ಪ್ರತಿಕ್ರಿಯಿಸಿರುವ ಎನ್ಸಿಎ, ಚಾಕೊಲೆಟ್ ಮತ್ತು ಕೊಕೊಗಳು ತಿನ್ನಲು ಸುರಕ್ಷಿತವಾಗಿದ್ದು, ಇವುಗಳನ್ನು ಶತಮಾನಗಳಿಂದಲೂ ಆಹ್ಲಾದಿಸಲಾಗುತ್ತಿದೆ ಎಂದಿದೆ. ಆಹಾರ ಸುರಕ್ಷತೆ ಮತ್ತು ಉತ್ಪಾದನೆ ಗುಣಮಟ್ಟ ನಮ್ಮ ಪ್ರಮುಖ ಆದ್ಯತೆ ಆಗಿದೆ. ನಾವು ಸಾಮಾಜಿಕ ಜವಾಬ್ದಾರಿ ಮತ್ತು ಸಮರ್ಪಣೆಯ ಪಾರ್ಯದರ್ಶಕತೆ ಹೊಂದಿದ್ದೇವೆ ಎಂದು ಅಮೆರಿಕದ ಚಾಕೊಲೆಟ್ ಉದ್ಯಮದ ವ್ಯಾಪಾರ ಸಂಘಟನೆ ತಿಳಿಸಿದೆ.
ಎವೊಲ್ವಡ್ ಚಾಕೊಲೇಟ್ ಈ ಸಂಬಂಧ ಹೇಳಿಕೆ ಬಿಡುಗಡೆ ಮಾಡಿದ್ದು, ಗ್ರಾಹಕರ ಸುರಕ್ಷತೆ ಹಿನ್ನೆಲೆಯಲ್ಲಿ ನಿಯಮಿತವಾಗಿ ಕಚ್ಛಾ ಪದಾರ್ಥಗಳ ಪರೀಕ್ಷೆ ನಡೆಸಲಾಗುತ್ತಿದೆ ಎಂದು ಪ್ರತಿಕ್ರಿಯಿಸಿದೆ. ನೆಸ್ಲೆ ವಕ್ತಾರರು ಮಾತನಾಡಿ, ಈ ವರದಿಗಳನ್ನು ಗಮನಿಸುತ್ತಿದ್ದೇವೆ. ಪರೀಕ್ಷೆಯಲ್ಲಿ ಸಿಕ್ಕಿರುವ ಅಂಶಗಳನ್ನು ಕಡಿಮೆ ಮಾಡುವುದಾಗಿಯೂ ತಿಳಿಸಿದೆ. ಟಾರ್ಗೆಟ್ ವಕ್ತಾರರು, ತಮ್ಮ ಉತ್ಪನ್ನಗಳು ಸುರಕ್ಷತಾ ಅಗತ್ಯತೆ ಹೊಂದಿವೆ ಎಂದು ತಿಳಿಸಿದ್ದಾರೆ.
ಗ್ರಾಹಕರ ವರದಿ ಗುಂಪುಗಳು ಕ್ಯಾಲಿಫೋರ್ನಿಯಾ ಗುಣಮಟ್ಟದ ಅನುಸಾರ ಅನುಮತಿ ನೀಡುವ ಅಧಿಕ ಲೋಹದ ಡೋಸ್‌ನ ಮಟ್ಟದ ಅನುಸಾರ ಈ ಮಾಪನ ಮಾಡಿದೆ. ಅಮೆರಿಕದ ಫುಡ್ ಆ್ಯಂಡ್ ಡ್ರಗ್ ಆಡ್ಮಿನಿಸ್ಟ್ರೇಷನ್, ಕೆಲವು ಆಹಾರಗಳಲ್ಲಿನ ಎರಡು ಲೋಹಗಳ ಪ್ರಮಾಣಕ್ಕೆ ಮಾತ್ರ ಮಿತಿ ಹೊಂದಿದೆ. (ಐಎಎನ್ಎಸ್)
ಇದನ್ನೂ ಓದಿ: ಒತ್ತಡದಿಂದ ಬಳಲುತ್ತಿದ್ದೀರಾ? ಹಾಗಾದ್ರೆ 'ನಿಮಗಾಗಿ' ನಿಮ್ಮಿಷ್ಟದ ಅಡುಗೆ ಮಾಡಿ ತಿನ್ನಿ
