ನವದೆಹಲಿ: ರಕ್ತದೊತ್ತಡದ ಇತಿಹಾಸವನ್ನು ಹೊಂದಿಲ್ಲದಿದ್ದರೂ, ಗರ್ಭಾವಸ್ಥೆಯಲ್ಲಿ ಕಾಡುವ ಅಧಿಕ ರಕ್ತದೊತ್ತಡವೂ ತಾಯಿ ಮತ್ತು ಮಗುವಿನ ಆರೋಗ್ಯದ ಮೇಲೆ ಗಂಭೀರ ಪರಿಣಾಮ ಬೀರುವ ಜೊತೆಗೆ ಅಪಾಯವನ್ನು ತಂದೊಡ್ಡುವ ಸಾಧ್ಯತೆ ಇದೆ. ಈ ಹಿನ್ನೆಲೆ ಗರ್ಭಿಣಿಯರು ರಕ್ತದೊತ್ತಡವನ್ನು ನಿಯಮಿತವಾಗಿ ನಿರ್ವಹಣೆ ಮಾಡಬೇಕು ಎಂದು ವೈದ್ಯರು ಸಲಹೆ ನೀಡುತ್ತಾರೆ.
ಗರ್ಭಾವಸ್ಥೆಯಲ್ಲಿ ಅಧಿಕರ ರಕ್ತದೊತ್ತಡ ತಾಯಿ ಮತ್ತು ಮಗುವಿಗೆ ಅಪಾಯಕಾರಿಯಾಗಿದ್ದು, ಈ ವೇಳೆ ಕಾಡುವ ಅಧಿಕ ರಕ್ತದೊತ್ತಡವನ್ನು ಮೂರು ವಿಧವಾಗಿ ವಿಂಗಡಿಸಲಾಗಿದೆ. ಅವುಗಳೆಂದರೆ, ಗರ್ಭಾವಸ್ಥೆಯ ಅಧಿಕ ರಕ್ತದೊತ್ತಡ, ಪ್ರಿ-ಎಕ್ಲಾಂಪ್ಸಿಯಾ ಮತ್ತು ಎಕ್ಲಾಂಪ್ಸಿಯಾ.
ಸ್ತ್ರಿ ರೋಗ ಮತ್ತು ಪ್ರಸುತಿ ತಜ್ಞೆಯಾಗಿರುವ ಡಾ. ಅನಿತಾ ರಾವ್ ಮಾತಾಡಿ, ಗರ್ಭಾವಸ್ಥೆಯ ರಕ್ತದೊತ್ತಡದ ಪರಿಸ್ಥಿತಿಗಳು 20 ವಾರಗಳ ಬಳಿಕ ಕಾಣುತ್ತದೆ. ಈ ಹಿಂದೆ ಅವರಲ್ಲಿ ಯಾವುದೇ ಸಾಮಾನ್ಯ ರಕ್ತದೊತ್ತಡ ಲಕ್ಷಣ ಇಲ್ಲದಿದ್ದರೂ ಇದು ಕಾಣಬಹುದು.
ಆರೋಗ್ಯಯುತ ಗರ್ಭಾವಸ್ಥೆಗಾಗಿ ಗರ್ಭಣಿಯರು ನಿಯಮಿತವಾಗಿ ರಕ್ತದೊತ್ತಡದ ನಿರ್ವಹಣೆಗೆ ಒಳಗಾಗುವುದರ ಜೊತೆಗೆ ಸರಿಯಾದ ಆರೋಗ್ಯ ಚಿಕಿತ್ಸೆಯನ್ನು ಪಡೆಯಬೇಕು. ಇದರಿಂದಾಗಿ ಈ ರಕ್ತದೊತ್ತಡವನ್ನು ಪರಿಣಾಮಕಾರಿಯಾಗಿ ನಿರ್ವಹಣೆ ಮಾಡುವುದರ ಜೊತೆಗೆ ಅದರೊಂದಿಗೆ ಇರುವ ಸಮಸ್ಯೆಗಳನ್ನು ಸುಲಭವಾಗಿ ನಿರ್ವಹಿಸಬಹುದಾಗಿದೆ.
ಸೈನ್ಸ್ ಡೈರೆಕ್ಟರ್ನಲ್ಲಿ ಪ್ರಕಟವಾದ ಭಾರತೀಯ ಅಧ್ಯಯನದ ಪ್ರಕಾರ, ಭಾರತದಲ್ಲಿ ಈ ರೀತಿ ಗರ್ಭಾವಸ್ಥೆ ಅಧಿಕ ರಕ್ತದೊತ್ತಡ ಪ್ರಕರಣಗಳಲ್ಲಿ ಏರಿಕೆ ಕಂಡಿದೆ. ಇದು ತಾಯಂದಿರ ಮತ್ತು ಶಿಶು ಮರಣದ ಅಪಾಯವನ್ನು ಗಮನಾರ್ಹವಾಗಿ ಹೆಚ್ಚಿಸುತ್ತದೆ. ಈ ಅಧ್ಯಯನವೂವನ್ನು ಕೇರಳದ ಪುಷ್ಪಗಿರಿ ಇನ್ಸುಟಿಟ್ಯೂಟ್ ಆಫ್ ಮೆಡಿಕಲ್ ಸೈನ್ಸ್ ಅಂಡ್ ರಿಸರ್ಚ್ ಸೆಂಟರ್ ನಡೆಸಿದ ಅಧ್ಯಯನದಲ್ಲಿ ತಿಳಿದು ಬಂದಿದೆ. ಈ ಹಿನ್ನೆಲೆ ಇದನ್ನು ಮುಂಚೆಯೇ ಪತ್ತೆ ಮಾಡಿ ಅದಕ್ಕೆ ಸಂಬಂಧಿಸಿದ ಚಿಕಿತ್ಸೆ ನೀಡುವುದರಿಂದ ಇದರ ಸಂಬಂಧಿ ಅಪಾಯವನ್ನು ಕಡಿಮೆ ಮಾಡಬಹುದು.
ಅಸ್ಟರ್ ಆರ್ವಿ ಆಸ್ಪತ್ರೆಯ ಸ್ತ್ರೀ ರೋಗ ಮತ್ತು ಪ್ರಸೂತಿ ತಜ್ಞರಾಗಿರುವ ದಿವ್ಯ ಕುಮಾರಸ್ವಾಮಿ ಹೆಳುವಂತೆ, ಗರ್ಭಾವಸ್ಥೆಯಲ್ಲಿ ಅಧಿಕ ರಕ್ತದೊತ್ತವೂ ಹೃದಯಾಘಾತದ ಅಪಾಯವನ್ನು ಹೆಚ್ಚಿಸುತ್ತದೆ. ಅಲ್ಲದೇ, ಇದು ಕಿಡ್ನಿ ಮತ್ತು ಯಕೃತ್ ಕಾರ್ಯಾಚರಣೆ ಮೇಲೆ ಪರಿಣಾಮ ಬೀರುತ್ತದೆ. ಈ ಪರಿಸ್ಥಿತಿಯಿಂದ ಮಗುವು ಅವಧಿ ಪೂರ್ವವಾಗಿ ಜನಿಸುವ ಅಪಾಯದ ಜೊತೆಗೆ ಶಿಶು ತುರ್ತು ನಿಗಾ ಘಟಕದಲ್ಲಿ ದಾಖಲಾಗುವ ಅಪಾಯ ಇದೆ.
ಅಧಿಕರ ರಕ್ತದೊತ್ತಡವೂ ಭ್ರೂಣದ ಬೆಳವಣಿಗೆಯನ್ನು ಮಿತಿಗೊಳಿಸಿ, ಕಡಿಮೆ ತೂಕದ ಮಗುವಿನ ಜನನ ಮತ್ತು ಇನ್ನಿತರ ಸಮಸ್ಯೆ ಅಭಿವೃದ್ಧಿ ಮಾಡುತ್ತದೆ. ಅಂಡಾಯಶದಿಂದ ಪ್ಲೆಸೆಂಟಾವನ್ನು ಬೇರ್ಪಡಿಸಿ ಇದು ತಾಯಿ ಮತ್ತು ಮಗುವಿಗೆ ಜೀವ ಬೆದರಿಕೆಯನ್ನು ಒಡ್ಡುವ ಸಾಧ್ಯತೆ ಇದೆ.
ಮತ್ತೊಬ್ಬ ಖ್ಯಾತ ವೈದ್ಯೆ ಡಾ ಆಶಾ ಹಿರೇಮಠ್ ಹೇಳುವಂತೆ, ಗರ್ಭವಾಸ್ಥೆಯ ಅಧಿಕ ರಕ್ತದೊತ್ತವನ್ನು ಸೂಕ್ಷ್ಮವಾಗಿ ಗಮನಿಸುತ್ತಿರಬೇಕು. ಇದು ಅಂಗಾಂಗಗಳ ಹಾನಿಗೂ ಕಾರಣವಾಗಬಹುದು. ಆದರೆ, ಈ ಪರಿಸ್ಥಿತಿಯನ್ನು ನಿಯಂತ್ರಿಸಬಹುದಾಗಿದೆ. ಗರ್ಭಿಣಿಯರು ನಿಯಮಿತವಾಗಿ ಅಂಟೆನಟಾಲ್ ಚೆಕ್ ಅಪ್, ವೈದ್ಯರು ಸೂಚಿಸಿದ ಔಷಧಿ ಸೇವನೆ, ಜೀವನಶೈಲಿ ಬದಲಾವಣೆ ಮಾಡಿಕೊಳ್ಳುವ ಮೂಲಕ ಇದರ ಅಪಾಯ ತಪ್ಪಿಸಬಹುದು.
ಗರ್ಭಿಣಿಯರು ನಿಯಮಿತ ಬಿಪಿ ಚೆಕ್ಅಪ್ ಜೊತೆಗೆ ಆರೋಗ್ಯ ಮತ್ತು ಪೌಷ್ಠಿಕಾಂಶ ಆಹಾರ ಸೇವನೆಗೆ ವೈದ್ಯರು ಸಲಹೆ ನೀಡುತ್ತಾರೆ. ತಾಯಂದಿರು ಸರಿಯಾದ ಡಯಟ್ ಪ್ಲಾನ್ ರೂಪಿಸುವ ಜೊತೆಗೆ ಉಪ್ಪಿನ ಆಹಾರವನ್ನು ತಪ್ಪಿಸಬೇಕು. ಉಪ್ಪಿನ ಆಹಾರಗಳು ಬಿಪಿ ಮಾತ್ರವಲ್ಲದೇ, ಗರ್ಭಿಣಿಯರಲ್ಲಿನ ಕಾಲಿನ ಊಟಕ್ಕೆ ಕೂಡ ಕಾರಣವಾಗುವ ಹಿನ್ನೆಲೆ ಇದನ್ನು ಕಡಿಮೆ ಪ್ರಮಾಣದಲ್ಲಿ ಸೇವಿಸುವುದು ಉತ್ತಮ ಎಂದಿದ್ದಾರೆ.
ಇದನ್ನೂ ಓದಿ: ಗರ್ಭಿಣಿಯ ಡಯಟ್ ಕೇವಲ ಮಗು ಮಾತ್ರವಲ್ಲ, ಮೊಮ್ಮಗುವಿನ ಮೆದುಳಿನ ಆರೋಗ್ಯವನ್ನೂ ಕಾಪಾಡುತ್ತದೆ.. ಅದು ಹೇಗೆ?
