ಕಾರವಾರ : ಕುಮಟಾ ತಾಲೂಕಿನ ಗೋಕರ್ಣದ ಪ್ಯಾರಡೈಸ್ ಬೀಚ್ ಬಳಿಯ ಗುಡ್ಡದ ಮೇಲೆ ಟ್ರಕ್ಕಿಂಗ್ಗೆ ತೆರಳಿದ ವಿದೇಶಿ ಮಹಿಳೆ ಕಾಲು ಜಾರಿ ಬಿದ್ದು ಗಂಭೀರವಾಗಿ ಗಾಯಗೊಂಡಿದ್ದಾರೆ.
ಸ್ಪೇನ್ ಮೂಲದ ಮಾತ್ರಾ ಗಾಯಗೊಂಡ ಮಹಿಳೆ. ಗೋಕರ್ಣದ ಓಂ ಬೀಚನಿಂದ 5 ಕಿ.ಮೀ ದೂರದ ಪ್ಯಾರಡೈಸ್ ಬೀಚ್ಗೆ ತೆರಳಿ ಅಲ್ಲಿಯೇ ಟೆಂಟ್ ಹಾಕಿಕೊಂಡಿದ್ದರು. ಆದರೆ, ಮಹಿಳೆ ಬೀಚ್ ಬಳಿಯ ಗುಡ್ಡದ ಮೇಲೆ ಟ್ರಕ್ಕಿಂಗ್ಗೆ ತೆರಳಿದಾಗ ಆಕಸ್ಮಿಕವಾಗಿ ಕಾಲು ಜಾರಿಬಿದ್ದಿದ್ದಾರೆ.
ಪರಿಣಾಮ ಎರಡು ಕಾಲು ಮುರಿದು ತೀವ್ರವಾಗಿ ಅಸ್ವಸ್ಥರಾಗಿದ್ದಾರೆ. ತಕ್ಷಣ ಅವರನ್ನು ಆ್ಯಂಬುಲೆನ್ಸ್ ಮೂಲಕ ಗೋಕರ್ಣ ಪ್ರಾಥಮಿಕ ಆರೋಗ್ಯ ಕೇಂದ್ರಕ್ಕೆ ಕರೆತಂದು ಚಿಕಿತ್ಸೆ ನೀಡಿ, ಹೆಚ್ಚಿನ ಚಿಕಿತ್ಸೆಗಾಗಿ ಕುಮಟಾ ತಾಲೂಕು ಆಸ್ಪತ್ರೆಗೆ ಕರೆದುಕೊಂಡು ಹೋಗಲಾಗಿದೆ.
