ಕಾರವಾರ: ಲಾರಿಯಲ್ಲಿ ಹಿಂಸಾತ್ಮಕವಾಗಿ ಸಾಗಿಸುತ್ತಿದ್ದ ಆರು ಒಂಟೆಗಳನ್ನು ಯಲ್ಲಾಪುರ ಪೊಲೀಸರು ಭಾನುವಾರ ರಕ್ಷಣೆ ಮಾಡಿದ್ದಾರೆ. ಚೆಕ್ ಪೋಸ್ಟ್ನಲ್ಲಿ ತಪಾಸಣೆಗಾಗಿ ನಿಲ್ಲಿಸದೇ ಚಲಾಯಿಸಿಕೊಂಡು ಹೋಗುತ್ತಿದ್ದ ಲಾರಿಯನ್ನು ಚೇಸ್ ಮಾಡಿ ಹಿಡಿದಾಗ ಪ್ರಕರಣ ಬೆಳಕಿಗೆ ಬಂದಿದೆ.
ಯಲ್ಲಾಪುರದ ಜೋಡುಕೆರೆ ಚೆಕ್ ಪೊಸ್ಟ್ ಬಳಿ ಹುಬ್ಬಳ್ಳಿ ಮಾರ್ಗದಿಂದ ಬಂದ ಐಸರ್ ಲಾರಿಯನ್ನು ತಪಾಸಣೆಗೆ ಕೈ ಮಾಡಿದರು ನಿಲ್ಲಿಸದೇ ಸ್ಪೀಡಾಗಿ ತೆರಳಿದ್ದರು. ಆದರೆ, ಪೊಲೀಸರು ವಾಹನವನ್ನು ಬೆನ್ನತ್ತಿ ಅಡ್ಡಗಟ್ಟಿದಾಗ ಅಕ್ರಮವಾಗಿ ಸಾಗಿಸುತ್ತಿದ್ದ ಒಂಟೆಗಳು ಪತ್ತೆಯಾಗಿವೆ. ಕಾಲು, ಮುಖಗಳಿಗೆ ಹಗ್ಗದಿಂದ ಕಟ್ಟಿ, ಒಂಟೆಗಳಿಗೆ ಮಲಗಲು ಆಗದೇ ನಿಲ್ಲಲು ಸಾಧ್ಯವಾಗದೇ ಹಿಂಸಾತ್ಮಕವಾಗಿ ಸಾಗಣೆ ಮಾಡುತ್ತಿದ್ದರು. ಈ ಬಗ್ಗೆ ಯಲ್ಲಾಪುರ ಪೊಲೀಸ್ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.
(ಇದನ್ನೂ ಓದಿ: ಒಂದೇ ಆಟೋದಲ್ಲಿ ಪ್ರಯಾಣಿಸುತ್ತಿದ್ದ 27 ಮಂದಿ ನೋಡಿ ಪೊಲೀಸರಿಗೇ ಶಾಕ್: ವಿಡಿಯೋ ವೈರಲ್)
