ಮತ ಎಣಿಕೆಗೆ ಸಕಲ ಸಿದ್ಧತೆ: ಮತ ಎಣಿಕೆ ಕೇಂದ್ರ ಕೊಠಡಿಗಳಿಗೆ ಕೂಲರ್ ಅಳವಡಿಕೆ

ರಾಯಚೂರಿನಲ್ಲಿ ಬಿಸಿಲಿನ ತಾಪಮಾನ ಅಧಿಕವಾಗಿದ್ದು,ನಾಳೆ ನಡೆಯುವ ಮತ ಎಣಿಕೆಗೆ ಅಡಚಣೆಯಾಗದಂತೆ ಎಲ್ಲಾ ಕೊಠಡಿಗಳಿಗೂ ಕೂಲರ್​ಗಳನ್ನ ಅಳವಡಿಕೆ ಮಾಡಲಾಗಿದೆ.

ರಾಯಚೂರು: ಬಿಸಿಲಿನ ತಾಪಮಾನ ದಿನೇ ದಿನೇ ಏರಿಕೆಯಾಗುತ್ತಿದ್ದು, ಇದರಿಂದ ಜಿಲ್ಲೆಯ ಜನರು ಹೈರಾಣಾಗಿದ್ದಾರೆ.

ಈ ಬಿಸಿಲಿನ ತಾಪಮಾನ ನಾಳೆ ನಡೆಯುವ ಮತಎಣಿಕೆ ಕೊಠಡಿಗಳಿಗೆ ತಾಕದಂತೆ ಜಿಲ್ಲಾಡಳಿತ ಮತ ಎಣಿಕೆ ಕೊಠಡಿಗಳನ್ನ ಕೂಲ್ ಆಗಿರಿಸಲು ನೂರಾರು ಕೂಲರ್​ಗಳನ್ನ ಆಳವಡಿಕೆ ಮಾಡಿದೆ. ನಗರದ ಎಲ್​ವಿಡಿ ಮತ್ತು ಎಸ್ಆರ್ ಪಿಯು ಕಾಲೇಜುಗಳಲ್ಲಿ ಮತಎಣಿಕೆ ನಡೆಯಲಿದ್ದು,ಮತಎಣಿಕೆ ನಡೆಯುವ ಪ್ರತಿಯೊಂದು ಕೊಠಡಿಗಳಿಗೆ ಕೂಲರ್​ಗಳನ್ನ ಅಳವಡಿಸಲಾಗುತ್ತಿದೆ. ಬಿಸಿಲಿನ ತಾಪಮಾನದಿಂದಾಗಿ ಮತಎಣಿಕೆ ಅಡಚಣೆ ಉಂಟಾಗಬಾರದು ಹಾಗೂ ಮತಯಂತ್ರಕ್ಕೆ ಯಾವುದೇ ರೀತಿಯಾಗಿ ತೊಂದರೆಯಾಗಬಾರದು ಎನ್ನುವ ದೃಷ್ಠಿಯಿಂದ ಈ ಕ್ರಮ ಕೈಗೊಳ್ಳಲಾಗಿದ್ದು,ಸುಮಾರು 100 ಕೂಲರ್ ಗಳನ್ನ ಬಳಕೆ ಮಾಡಿಕೊಳ್ಳಲಾಗಿದೆ.

ಮತ ಎಣಿಕೆ ಕೇಂದ್ರ ಕೊಠಡಿ ಹೊರಗಡೆಯಿರುವ ಪ್ರತಿಯೊಂದು ಕಿಟಕಿಗಳಿಗೆ ಕೂಲರ್ ಆಳವಡಿಸುವ ಮೂಲಕ ಕೊಠಡಿಗಳನ್ನ ಕೂಲ್ ಆಗಿರಿಸುವ ಸಿದ್ದತೆ ಮಾಡಿಕೊಂಡಿದೆ.