ತೂಕ ಹೆಚ್ಚಿಸಿಕೊಂಡ ಅರ್ಜುನ... ತಿಂದು ಕೊಬ್ಬಿದ ಅಭಿಮನ್ಯು!

ದಸರಾ ಜಂಬೂ ಸವಾರಿಗೆಂದು ತಯಾರಾಗಿರುವ ಆನೆಗಳ ತೂಕ ಪರೀಕ್ಷೆ ಇಂದು ನಡೆದಿದ್ದು, ಎಲ್ಲಾ ಆನೆಗಳೂ ತಮ್ಮ ತೂಕ ಹೆಚ್ಚಿಸಿಕೊಂಡಿವೆ.

ಮೈಸೂರು: ಅಂಬಾರಿ ಹೊರುವ ಮುನ್ನ ಅರ್ಜುನ ಆನೆಯ ತೂಕ ಪರೀಕ್ಷಿಸಲಾಗಿದ್ದು, ಬರೋಬ್ಬರಿ 240 ಕೆಜಿ ತೂಕ ಹೆಚ್ಚಿಸಿಕೊಂಡಿದ್ದಾನೆ.

ಇಂದು ಸಂಜೆ ನಗರದಲ್ಲಿ ಅರ್ಜುನ ಸೇರಿದಂತೆ ಐದು ಆನೆಗಳ ತೂಕ ಪರೀಕ್ಷೆ ಮಾಡಲಾಗಿದ್ದು, ಎಲ್ಲಾ ಆನೆಗಳ ತೂಕ ಗಣನೀಯವಾಗಿ ಹೆಚ್ಚಾಗಿದೆ. ಮೈಸೂರಿಗೆ ಮೊದಲ ತಂಡದಲ್ಲಿ ಆಗಮಿಸಿದ್ದ ಐದು ಆನೆಗಳ ತೂಕ ಇಂದು ಮಾಡಲಾಯಿತು. ಅರ್ಜುನನ ತೂಕ ಬಂದಾಗ 5800 ಕೆಜಿ ಇತ್ತು. ಈಗ ಅವನ ತೂಕ 6040 ಕೆಜಿಗೆ ಹೆಚ್ಚಳವಾಗಿದೆ.