ಕುಷ್ಟಗಿಯಲ್ಲಿ ವಿವಾಹಿತ ಮಹಿಳೆ ಮೇಲೆ ಬಲತ್ಕಾರಕ್ಕೆ ಯತ್ನ: ಕಾಮುಕ ಪರಾರಿ

ಬಹಿರ್ದೆಸೆಗೆಂದು ತೆರಳಿದ್ದ ವಿವಾಹಿತೆಯೊಬ್ಬರ ಮೇಲೆ ಸ್ವಗ್ರಾಮದ ವ್ಯಕ್ತಿಯೋರ್ವ ಅತ್ಯಾಚಾರಕ್ಕೆ ಯತ್ನಿಸಿದ ಪ್ರಕರಣ ಕುಷ್ಟಗಿ ತಾಲೂಕಿನಲ್ಲಿ ಬೆಳಕಿಗೆ ಬಂದಿದೆ.

ಕುಷ್ಟಗಿ (ಕೊಪ್ಪಳ): ವಿವಾಹಿತ ಮಹಿಳೆ ಮೇಲೆ ಯುವಕನೋರ್ವ ಅತ್ಯಾಚಾರಕ್ಕೆ ಯತ್ನಿಸಿದ ಘಟನೆ ತಾವರಗೇರಾ ಪೊಲೀಸ್ ಠಾಣಾ ವ್ಯಾಪ್ತಿಯಲ್ಲಿ ಶುಕ್ರವಾರ ರಾತ್ರಿ ನಡೆದಿದೆ.

ವಿವಾಹಿತ ಮಹಿಳೆ ರಾತ್ರಿ ಚಿಕ್ಕಮ್ಮನ ಮಗಳೊಂದಿಗೆ ಬಹಿರ್ದೆಸೆಗೆ ತೆರಳಿದ್ದರು. ಈ ವೇಳೆ ಅದೇ ಗ್ರಾಮದ ಹನುಮೇಶ ಹಿರೇಲಕ್ಷ್ಮಪ್ಪ ವಾಲ್ಮೀಕಿ ಎಂಬಾತ ಆಕೆಯನ್ನು ಎಳೆದಾಡಿ ಅತ್ಯಾಚಾರಕ್ಕೆ ಯತ್ನಿಸಿದ್ದಾನೆ.

ಈ ಸಂದರ್ಭದಲ್ಲಿ ಇಬ್ಬರೂ ಚೀರಾಡಿದ್ದಾರೆ. ಪತಿ ಸೇರಿದಂತೆ ಸ್ಥಳೀಯರು ಆಗಮಿಸುವಷ್ಟರಲ್ಲಿ ಹನುಮೇಶ ವಾಲ್ಮೀಕಿ ಆಕೆಗೆ ಜೀವ ಬೆದರಿಕೆ ಹಾಕಿ ಪರಾರಿಯಾಗಿದ್ದಾನೆ ಎಂದು ಆರೋಪಿಸಿಲಾಗಿದೆ. ನೊಂದ ಮಹಿಳೆ ನೀಡಿದ ದೂರಿನನ್ವಯ ತಾವರಗೇರಾ ಪೊಲೀಸ್ ಠಾಣೆಯಲ್ಲಿ ಆರೋಪಿ ಹನುಮೇಶ ವಾಲ್ಮೀಕಿ ವಿರುದ್ಧ ಪ್ರಕರಣ ದಾಖಲಾಗಿದೆ.