ಕೊಪ್ಪಳ: ಕೊರೊನಾ ಸೋಂಕು ಹೆಚ್ಚಳವಾಗುತ್ತಿರುವ ಹಿನ್ನೆಲೆಯಲ್ಲಿ ಸೋಂಕಿತರು ಬೆಡ್ಗಾಗಿ ಅಲೆದಾಡುವುದನ್ನು ತಪ್ಪಿಸುವ ಉದ್ದೇಶದಿಂದ ಬೆಡ್ಗಳ ಲಭ್ಯತೆಯ ಬಗ್ಗೆ ಕೊಪ್ಪಳ ಜಿಲ್ಲಾಡಳಿತ ವೆಬ್ಸೈಟ್ ಆರಂಭಿಸಿದೆ.
ಬೆಂಗಳೂರು ಮಾದರಿಯಲ್ಲಿ ಕೊಪ್ಪಳದಲ್ಲಿಯೂ ವೆಬ್ಸೈಟ್ ಆರಂಭಿಸಲಾಗಿದೆ. ಬೆಡ್ಗಳ ಲಭ್ಯತೆಯ ಕುರಿತಂತೆ https://Koppal.nic.in/end/covid-19 ವಿಳಾಸದಲ್ಲಿ ವೀಕ್ಷಿಸಬಹುದು. ಜಿಲ್ಲೆಯಲ್ಲಿ 6 ಸರ್ಕಾರಿ ಆಸ್ಪತ್ರೆಗಳು, 10 ಖಾಸಗಿ ಆಸ್ಪತ್ರೆಗಳು, ನಾಲ್ಕು ಕೊವಿಡ್ ಕೇರ್ ಸೆಂಟರ್ನಲ್ಲಿನ ಬೆಡ್ಗಳ ಮಾಹಿತಿ, ಆಕ್ಸಿಜನ್, ವೆಂಟಿಲೇಟರ್ ಸೇರಿದಂತೆ ಎಲ್ಲಾ ಮಾಹಿತಿ ಈ ವೆಬ್ಸೈಟ್ನಲ್ಲಿ ಲಭ್ಯವಾಗಲಿದೆ. ಸದ್ಯ ಕುಷ್ಟಗಿ ಹಾಗೂ ಯಲಬುರ್ಗಾ ಸರ್ಕಾರಿ ಆಸ್ಪತ್ರೆಗಳಲ್ಲಿ ಕೇವಲ 8 ಬೆಡ್ಗಳು ಲಭ್ಯವಿದೆ.
ಇನ್ನು, ಕೊಪ್ಪಳ ಹಾಗೂ ಗಂಗಾವತಿಯಲ್ಲಿ ಫುಲ್ ಆಗಿವೆ. ಸರ್ಕಾರಿ ಆಸ್ಪತ್ರೆಗಳ ಒಟ್ಟು 309 ಹಾಸಿಗೆಗಳಲ್ಲಿ 301 ಹಾಸಿಗೆಗಳು ಭರ್ತಿಯಾಗಿವೆ. ಖಾಸಗಿ ಆಸ್ಪತ್ರೆಗಳಲ್ಲಿನ ಒಟ್ಟು ಲಭ್ಯವಿರುವ 272 ಹಾಸಿಗೆಗಳ ಪೈಕಿ 267 ಹಾಸಿಗೆ ಭರ್ತಿಯಾಗಿ ಐದು ಬೆಡ್ಗಳು ಲಭ್ಯವಿವೆ. ಬೆಡ್ಗಳ ಲಭ್ಯತೆ ಆಗಾಗ ಬದಲಾವಣೆಯಾಗುತ್ತಿರುತ್ತದೆ. ಗವಿಮಠದ ವೃದ್ಧಾಶ್ರಮದಲ್ಲಿ ರೆಡಿ ಮಾಡಲಾಗಿರುವ 100 ಹಾಸಿಗೆ ಸಾಮರ್ಥ್ಯದ ಕೋವಿಡ್ ಕೇರ್ ಸೆಂಟರ್ ನಿನ್ನೆ ಪ್ರಾರಂಭಿಸಲಾಗಿದೆ.
ಓದಿ: 'ಊಟ ಇಲ್ದೇ ಒದ್ದಾಡ್ತಿದ್ವಿ, ಇಂದಿರಾ ಕ್ಯಾಂಟೀನ್ನಿಂದ ತುಂಬಾ ಒಳ್ಳೇದಾಗಿದೆ'
