ಗ್ರಾಪಂ ಚುನಾವಣಾ ಕಾಳಗದಲ್ಲಿ ಮಾಜಿ ಸೈನಿಕರಿಬ್ಬರ ಗೆಲುವು.. ಆಗ ದೇಶ ಸೇವೆ, ಇನ್ಮೇಲೆ ಗ್ರಾಮ ಸೇವೆ!!

ಈ ಇಬ್ಬರು ಮಾಜಿ ಸೈನಿಕರು 17 ವರ್ಷಗಳ ಕಾಲ ಭಾರತೀಯ ಸೈನ್ಯದಲ್ಲಿ ಸೇವೆ ಸಲ್ಲಿಸಿದ್ದಾರೆ..

ಕೊಪ್ಪಳ : ಗ್ರಾಮ ಪಂಚಾಯತ್​ ಚುನಾವಣೆಯಲ್ಲಿ ಜಿಲ್ಲೆಯ ಮಾಜಿ ಸೈನಿಕರಿಬ್ಬರು ವಿಜಯಶಾಲಿಗಳಾಗಿದ್ದಾರೆ.

ಕೊಪ್ಪಳ ತಾಲೂಕಿನ ಹ್ಯಾಟಿ ಹಾಗೂ ಕುಕನೂರು ತಾಲೂಕಿನ ಬನ್ನಿಕೊಪ್ಪ ಗ್ರಾಮ ಪಂಚಾಯತ್​ ಚುನಾವಣೆಯಲ್ಲಿ ಸ್ಪರ್ಧಿಸಿದ್ದ ಮಾಜಿ ಸೈನಿಕರನ್ನು ಮತದಾರರು ಕೈ ಹಿಡಿದಿದ್ದಾರೆ.

ಬನ್ನಿಕೊಪ್ಪ ಗ್ರಾಮದ ಮಾಜಿ ಸೈನಿಕ ನಾಗರಾಜ ವೆಂಕಟಾಪೂರ್ ಅವರು 107 ಮತಗಳಿಂದ ಗೆಲುವು ಸಾಧಿಸಿದ್ರೆ, ಹ್ಯಾಟಿ ಗ್ರಾಮದ ಶೇಖರಪ್ಪ ಘಂಟಿ ಅವರು 3 ಮತಗಳ ಅಂತರದಿಂದ ವಿಜಯಿಯಾಗಿದ್ದಾರೆ.

ಈ ಇಬ್ಬರು ಮಾಜಿ ಸೈನಿಕರು 17 ವರ್ಷಗಳ ಕಾಲ ಭಾರತೀಯ ಸೈನ್ಯದಲ್ಲಿ ಸೇವೆ ಸಲ್ಲಿಸಿದ್ದಾರೆ.