ಕುಷ್ಟಗಿ(ಕೊಪ್ಪಳ): ಕೊರೊನಾ ವೈರಸ್ ಲಾಕ್ಡೌನ್ ಹಿನ್ನೆಲೆ ಬಡವರಿಗೆ, ನಿರ್ಗತಿಕರಿಗಾಗಿ ಸೋಲಾರ್ ಘಟಕದಿಂದ 800 ಕೆಜಿ ಅಕ್ಕಿಯನ್ನು ತಹಶೀಲ್ದಾರ್ ಎಂ.ಸಿದ್ದೇಶ ಅವರಿಗೆ ಹಸ್ತಾಂತರಿಸಲಾಯಿತು.
ಸಾಂಕೇತಿಕವಾಗಿ ನೆರವು ಸ್ವೀಕರಿಸಿದ ತಹಶೀಲ್ದಾರ್ ಎಂ.ಸಿದ್ದೇಶ, ಅಕ್ಕಿಯನ್ನು ಕೋವಿಡ್-19 ಪರಿಹಾರ ಸಾಮಗ್ರಿ ಸ್ವೀಕರಣಾ ಕೇಂದ್ರಕ್ಕೆ ತಲುಪಿಸಲಾಗುವುದು. ಕಾರ್ಡ್ ರಹಿತರಿಗೆ, ನಿರ್ಗತಿಕರಿಗೆ ಹಾಗೂ ನಿರಾಶ್ರಿತರಿಗೆ ಆಹಾರ ಧಾನ್ಯ ವಿತರಿಸಲಾಗುತ್ತಿದೆ ಎಂದರು. ಸಿಪಿಐ ಚಂದ್ರೇಶೇಖರ ಜಿ., ಪಿಎಸ್ಐ ಚಿತ್ತರಂಜನ್ ನಾಯಕ, ಸೋಲಾರ್ ಘಟಕದ ಮುಖ್ಯಸ್ಥ ಸುರೇಶ ಶರ್ಮ, ವಿಕಾಸ ಪ್ರಭು, ಪ್ರೆಸ್ಟೀಜ್ ಸೋಲಾರ್ ಗ್ರೂಪ್ನ ಸುನೀಲ್ ಮತ್ತಿತರಿದ್ದರು.
