ಬಿಹಾರಿಗಳಿಗೆ ಡಾ.ರಾಜಕುಮಾರ ಕಲ್ಯಾಣ ಮಂಟಪವೇ ಆಸರೆಯಾಯ್ತು

ವ್ಯಾಪಾರಕ್ಕೆಂದು ಬಂದ ಆರು ಜನ ಬಿಹಾರಿ ವ್ಯಾಪಾರಿಗಳಿಗೆ ಲಾಕ್​ ಡೌನ್​​ ವೇಳೆ ಕುಷ್ಟಗಿಯ ರಾಜ್​ಕುಮಾರ್​ ಕಲ್ಯಾಣಮಂಟಪವೇ ಆಸರೆಯಾಗಿದೆ.

ಕುಷ್ಟಗಿ : ಬಿಹಾರ ಮೂಲದ 6 ಜನರಿಗೆ ಸ್ಥಳೀಯ ಡಾ.ರಾಜಕುಮಾರ ಕಲ್ಯಾಣ ಮಂಟಪದಲ್ಲಿ ತಾತ್ಕಾಲಿಕ ವಸತಿ ಕಲ್ಪಿಸಲಾಗಿದೆ.

ಗೃಹಪಯೋಗಿ ವಸ್ತುಗಳ ಮಾರಾಟಕ್ಕೆ ಡಾ. ರಾಜಕುಮಾರ ಕಲ್ಯಾಣ ಮಂಟಪ ತಾತ್ಕಾಲಿಕ ಬಾಡಿಗೆ ಪಡೆದಿದ್ದ ಬಿಹಾರ ಮೂಲದ ವರ್ತಕರು, ಇಲ್ಲಿಂದ ನವಲಗುಂದಕ್ಕೆ ಹೋಗಿದ್ದರು. ಆ ವೇಳೆ ಲಾಕಡೌನ್ ಆದ ಹಿನ್ನೆಲೆಯಲ್ಲಿ ಡಾ.ರಾಜಕುಮಾರ ಕಲ್ಯಾಣ ಮಂಟಪಕ್ಕೆ ವಾಪಸ್​ ಆಗಿದ್ದರು. ಹೀಗಾಗಿ ಸರ್ಕಾರಿ ಕಲ್ಯಾಣ ಮಂಟಪದಲ್ಲಿ ಉಳಿದುಕೊಂಡಿದ್ದಾರೆ.

ತಮ್ಮಲ್ಲಿರುವ ಹಣದಲ್ಲಿ ದಿನಸಿ ಖರೀದಿಸಿದ್ದು, ಸದ್ಯ ಅವರ ಬಳಿ ಹಣವಿಲ್ಲದೇ ದಿನಸಿ ಆಹಾರಕ್ಕಾಗಿ ಪುರಸಭೆ ಮುಖ್ಯಾಧಿಕಾರಿ ಅಶೋಕ ಪಾಟೀಲ್​ ಅವರಿಗೆ ವಿನಂತಿಸಿದ್ದರು. ಸದರಿಯವರ ಮನವಿಗೆ ಸ್ಪಂದಿಸಿದ ಮುಖ್ಯಾಧಿಕಾರಿ ದಾನಿಗಳ ಸಹಾಯದಿಂದ ದಿನಸಿ ಕೊಡಿಸಿದ್ದಾರೆ.