ಹಾವೇರಿಯಲ್ಲಿ ಸಾರಿಗೆ ಬಸ್-ಕಾರು​ ಅಪಘಾತ: ಇಬ್ಬರ ದುರ್ಮರಣ

ಹಾವೇರಿಯಲ್ಲಿ ಭೀಕರ ರಸ್ತೆ ಅಪಘಾತ ಸಂಭವಿಸಿದ್ದು ಕೇರಳ ಮೂಲದ ವೃದ್ಧ ದಂಪತಿ ಸಾವಿಗೀಡಾಗಿದ್ದಾರೆ.

ಹಾವೇರಿ: ಕಾರು ಮತ್ತು ಸಾರಿಗೆ ಬಸ್ ನಡುವೆ ನಡೆದ ಮುಖಾಮುಖಿ ಡಿಕ್ಕಿಯಲ್ಲಿ ಇಬ್ಬರು ಸ್ಥಳದಲ್ಲೇ ಅಸುನೀಗಿದ್ದಾರೆ. ಜಿಲ್ಲೆಯ ಹಾನಗಲ್ ತಾಲೂಕಿನ ಹುಣಸಿಕಟ್ಟಿ ಕ್ರಾಸ್ ಬಳಿ ಘಟನೆ ನಡೆಯಿತು. ಕೇರಳ ಮೂಲದ ವೃದ್ಧ ದಂಪತಿ 68 ವರ್ಷದ ಮಹ್ಮದ್ ಮತ್ತು 60 ವರ್ಷದ ಆಯಿಷಾ ಮೃತಪಟ್ಟಿದ್ದಾರೆ.

ಹಾನಗಲ್ ಕಡೆಯಿಂದ ಹುಣಸಿಕಟ್ಟಿ ಕ್ರಾಸ್ ಮಾರ್ಗವಾಗಿ ಲಕ್ಷ್ಮೇಶ್ವರಕ್ಕೆ ಇವರು ತೆರಳುತ್ತಿದ್ದರು ಎನ್ನಲಾಗಿದೆ. ಕಾರ್‌ನಲ್ಲಿ ಐವರು ಪಯಣಿಸುತ್ತಿದ್ದು ಮೂವರಿಗೆ ಸಣ್ಣಪುಟ್ಟ ಗಾಯಗಳಾಗಿವೆ. ಗಾಯಾಳುಗಳನ್ನು ಹುಬ್ಬಳ್ಳಿಯ ಕಿಮ್ಸ್‌ಗೆ ದಾಖಲಿಸಲಾಗಿದೆ. ಹಾನಗಲ್ ಪೊಲೀಸರು ಸ್ಥಳಕ್ಕೆ ಭೇಟಿ ನೀಡಿ ಪರಿಶೀಲನೆ ನಡೆಸಿದ್ದಾರೆ. ಹಾನಗಲ್ ಪೊಲೀಸ್ ಠಾಣಾ ವ್ಯಾಪ್ತಿಯಲ್ಲಿ ಪ್ರಕರಣ ನಡೆದಿದೆ.

ಇದನ್ನೂ ಓದಿ: ಕಾರು ಮತ್ತು ಬಸ್​ ನಡುವೆ ಭೀಕರ ಅಪಘಾತ: ಮುಧೋಳ ಬಳಿ ನಾಲ್ವರು ದುರ್ಮರಣ