ಅರಕಲಗೂಡು(ಹಾಸನ): ಕೊರೊನಾ ವೈರಸ್ ಮುಂಜಾಗ್ರತಾ ಕ್ರಮವಾಗಿ ಇಂದಿನಿಂದ ಅರಕಲಗೂಡು ತಾಲ್ಲೂಕಿನ ಆರೋಗ್ಯ ಅಧಿಕಾರಿಗಳ ನೇತೃತ್ವದಲ್ಲಿ ಪ್ರತಿಯೊಂದು ಪ್ರಾಥಮಿಕ ಆರೋಗ್ಯ ಕೇಂದ್ರಗಳಿಗೆ ತೆರಳಿ ಮೂಗಿನ ಮತ್ತು ಗಂಟಲಿನ ದ್ರವದ ಮಾದರಿಯನ್ನ ತೆಗೆದುಕೊಳ್ಳಲಾಗುತ್ತಿದೆ.
ಈ ಮಾದರಿಗಳನ್ನು ಜಿಲ್ಲಾಸ್ಪತ್ರೆಗೆ ಪರೀಕ್ಷೆಗೆ ರವಾನಿಸುವ ಸಲುವಾಗಿ ಮೊಬೈಲ್ ಆ್ಯಂಬುಲೆನ್ಸ್ (COVID19 ಪರೀಕ್ಷಾ ಸಂಚಾರಿ ವಾಹನ) ಅನ್ನು ನಿಯೋಜಿಸಲಾಗಿದ್ದು,ಮೊದಲಿಗೆ ದೊಡ್ಡಮಗ್ಗೆ ಪ್ರಾಥಮಿಕ ಆರೋಗ್ಯ ಕೇಂದ್ರಕ್ಕೆ ಭೇಟಿ ನೀಡಿ 3 ಜನರ ಮಾದರಿಯನ್ನ ತೆಗೆಯಲಾಯಿತು.
ಆರೋಗ್ಯ ಇಲಾಖೆಯ ಸಿಬ್ಬಂದಿಯಾದ ಡಾ.ಪೂರ್ಣಿಮಾ ವಾಸ್ತವಿ, ನಮ್ರತಾ, ದಿವ್ಯಾ ಆರೋಗ್ಯ ನಿರೀಕ್ಷಕ ಚಂದ್ರೇಗೌಡ, ಪವಿತ್ರ, ಕಿರಿಯ ಆರೋಗ್ಯ ಸಹಾಯಕ,ಅರುಣ ಕುಮಾರ್ ಇನ್ನಿತರರು ಈ ಕಾರ್ಯ ನಿರ್ವಹಿಸುತ್ತಿದ್ದಾರೆ.
