ಹಾಸನ : ಕೊರೊನಾ ಸಂಕಷ್ಟದಲ್ಲಿ ಆಹಾರ ನೀಡಲು, ತಾನು ಕೂಡಿಟ್ಟಿದ್ದ ಹಣವನ್ನು ಆರ್ಎಸ್ಎಸ್ ಸಂಘಟನೆಯ ಸ್ವಯಂ ಸೇವಕರಿಗೆ ನೀಡುವ ಮೂಲಕ ಬಾಲಕನೊಬ್ಬ ಮಾನವೀಯತೆ ಮೆರೆದಿದ್ದಾನೆ.
RSS ಉಚಿತ ಆಹಾರ ಸೇವೆಗೆ ಹಣ ನೀಡಿದ ಹಾಸನದ ಪೋರ
ಓದಿ: ತಗ್ಗಿದ ಕೋವಿಡ್ ಅಬ್ಬರ : ನಾಳೆಯಿಂದ ಉಪನೋಂದಣಿ ಕಚೇರಿಗಳು ಓಪನ್!
ಹಾಸನ ಜಿಲ್ಲೆ ಚನ್ನರಾಯಪಟ್ಟಣ ತಾಲೂಕಿನ ಚಿಕ್ಕಬಿಳ್ತಿ ಗ್ರಾಮದ ಹರ್ಷಿತ್ ಗೌಡ ಧನ ಸಹಾಯ ಮಾಡಿದ ಬಾಲಕ. ಚನ್ನರಾಯಪಟ್ಟಣ ತಾಲೂಕಿನ ಹಲವೆಡೆ ಆರ್ಎಸ್ಎಸ್‌ನವರು ಉಚಿತವಾಗಿ ಆಹಾರ ನೀಡುತ್ತಿದ್ದರು. ಈ ಬಗ್ಗೆ ತಿಳಿದು ತನ್ನ ಕೈಲಾದ ಧನ ಸಹಾಯ ಮಾಡಲು ಮುಂದಾಗಿದ್ದಾನೆ 6ನೇ ತರಗತಿಯಲ್ಲಿ ಓದುತ್ತಿರುವ ಬಾಲಕ ಹರ್ಷಿತ್.
ಹೀಗಾಗಿ, ತನ್ನ ತಂದೆ-ತಾಯಿ ನೀಡಿದ್ದ ಹಣವನ್ನು ಗೋಲಕದಲ್ಲಿ ಸಂಗ್ರಹಿಸಿಟ್ಟಿದ್ದ ಬಾಲಕ, ಅದನ್ನು ಒಡೆದು ಸುಮಾರು ಎರಡು ಸಾವಿರ ರೂಪಾಯಿನಷ್ಟು ಹಣವನ್ನು ಸ್ವಯಂ ಸೇವಕರಿಗೆ ನೀಡಿದ್ದಾನೆ. ತಾವು ಮಾಡುತ್ತಿರುವ ಸೇವೆಗೆ ತನ್ನ ಹಣವನ್ನು ಬಳಸಿಕೊಳ್ಳುವಂತೆ ಮನವಿ ಮಾಡಿದ್ದಾನೆ. ಬಾಲಕನ ಕಾರ್ಯಕ್ಕೆ ಸ್ಥಳೀಯರು ಮೆಚ್ಚುಗೆ ವ್ಯಕ್ತಪಡಿಸಿದ್ದಾರೆ.
