ಸಾಲಬಾಧೆ: ನರಗುಂದದಲ್ಲಿ ರೈತ ನೇಣಿಗೆ ಶರಣು

ಸಾಲಬಾಧೆ ತಾಳಲಾರದೆ ರೈತನೋರ್ವ ನೇಣಿಗೆ ಶರಣಾಗಿರುವ ಘಟನೆ ನರಗುಂದದಲ್ಲಿ ನಡೆದಿದೆ.

ಗದಗ: ಸಾಲಬಾಧೆ ತಾಳಲಾರದೆ ರೈತನೋರ್ವ ನೇಣಿಗೆ ಶರಣಾಗಿರುವ ಘಟನೆ ಜಿಲ್ಲೆಯ ನರಗುಂದ ತಾಲೂಕಿನಲ್ಲಿ ನಡೆದಿದೆ.

ರೈತ ಮಲ್ಲಪ್ಪ ಯಲ್ಲಪ್ಪ ಗಿರಿಯಪ್ಪನವರ (55) ಮೃತ ದುರ್ದೈವಿ. ಹೊಲಕ್ಕೆ ಬೀಜ ಮತ್ತು ಗೊಬ್ಬರ ಖರೀದಿಸುವ ಸಲುವಾಗಿ ವಿಜಯ ಬ್ಯಾಂಕ್​ ಕೊಣ್ಣೂರು ಹಾಗೂ ಸ್ವ ಸಹಾಯ ಗುಂಪುಗಳಲ್ಲಿ 1,55,000/- ರೂ ಸಾಲ ಮಾಡಿದ್ದ ಎಂದು ತಿಳಿದು ಬಂದಿದೆ. ಪ್ರವಾಹದಿಂದಾಗಿ ತಾನು ಬೆಳೆದ ಬೆಳೆ ನೀರುಪಾಲಾಗಿತ್ತು. ಈ ಕಾರಣದಿಂದ ಮನನೊಂದ ರೈತ ಮನೆಯಲ್ಲಿ ಯಾರು ಇಲ್ಲದ ವೇಳೆ ನೇಣು ಬಿಗಿದುಕೊಂಡು ಆತ್ಮಹತ್ಯೆ ಮಾಡಿಕೊಂಡಿದ್ದಾನೆ ಎಂದು ತಿಳಿದು ಬಂದಿದೆ.

ಈ ಬಗ್ಗೆ ಮೃತನ ಪತ್ನಿ ದ್ಯಾಮವ್ವ ನರಗುಂದ ಠಾಣೆಯಲ್ಲಿ ದೂರ ದಾಖಲಿಸಿದ್ದಾರೆ.