ಹುಬ್ಬಳ್ಳಿ: ಗುರುಪೂರ್ಣಿಮ ಅಂಗವಾಗಿ ಶಿಷ್ಯನಿಗೆ ಕಾರ್ ನೀಡಿದ ಡಾ. ಶಿವಕುಮಾರ ಮಹಾಸ್ವಾಮಿ!

ಬಾಗಲಕೋಟಿ ಜಿಲ್ಲೆಯ ಬಾದಾಮಿ ತಾಲೂಕಿನ ಸುಕ್ಷೇತ್ರ ಸಿದ್ಧನಕೊಳ್ಳ ಮಠದ ಧರ್ಮಾಧಿಕಾರಿಗಳಾದ ಡಾ. ಶಿವಕುಮಾರ ಮಹಾಸ್ವಾಮಿ ತಮ್ಮ ಪ್ರೀತಿಯ ಶಿಷ್ಯನಿಗೆ ಕಾರನ್ನು ಉಡುಗೊರೆಯಾಗಿ ನೀಡಿದ್ದಾರೆ.

ಹುಬ್ಬಳ್ಳಿ: ಗುರು ಪೂರ್ಣಿಮೆ ದಿನ ತಮ್ಮ ನೆಚ್ಚಿನ ಗುರುಗಳಿಗೆ ಶಿಷ್ಯಂದಿರು ಉಡುಗೊರೆಯನ್ನು ನೀಡುವುದನ್ನು ಕೇಳಿದ್ದೇವೆ. ಆದರೆ ಇದಕ್ಕೆ ತದ್ವಿರುದ್ಧವಾಗಿ ಗುರುವೊಬ್ಬರು ತಮ್ಮ ಪ್ರೀತಿಯ ಶಿಷ್ಯನಿಗೆ ಕಾರನ್ನು ಗಿಫ್ಟ್​​ ಮಾಡಿದ್ದಾರೆ.

ಬಾಗಲಕೋಟಿ ಜಿಲ್ಲೆಯ ಬಾದಾಮಿ ತಾಲೂಕಿನ ಸುಕ್ಷೇತ್ರ ಸಿದ್ಧನಕೊಳ್ಳ ಮಠದ ಧರ್ಮಾಧಿಕಾರಿಗಳಾದ ಡಾ. ಶಿವಕುಮಾರ ಮಹಾಸ್ವಾಮಿಗಳೇ ತಮ್ಮ ಶಿಷ್ಯನಿಗೆ ಕಾಣಿಕೆ ನೀಡಿದವರು‌. ಶ್ರೀ ಮಠದ ವತಿಯಿಂದ ಪ್ರತಿ ವರ್ಷ ತಮ್ಮ ಆತ್ಮೀಯ ಶಿಷ್ಯರಿಗೆ ಕಾಣಿಕೆ ನೀಡುವ ಸಂಪ್ರದಾಯವನ್ನು ಬೆಳೆಸಿಕೊಂಡು ಬಂದಿದ್ದಾರೆ‌ . ಹೀಗಾಗಿ ಈ ವರ್ಷ ಬಾಗಲಕೋಟೆ ಜಿಲ್ಲೆಯ ಅಮ್ಮಿನಗಡಿದ ಸುಳ್ಳೆಬಾವಿಯ ಗ್ರಾಮದ ತಮ್ಮ ಪರಮಶಿಷ್ಯನಾದ ಪ್ರವೀಣ ದೀಕ್ಷಿತ್​​ ಎನ್ನುವವರಿಗೆ ಟಾಟಾ ಟಿಯಾಗೋ ಕಂಪನಿಯ ಕಾರ್​ನ್ನು ಕಾಣಿಕೆಯಾಗಿ‌ ನೀಡಿದ್ದಾರೆ.