ಶ್ರೀಮತಿ ಹುಬ್ಬಳ್ಳಿ -2020 ಆನ್​ಲೈನ್ ಸ್ಪರ್ಧೆ: ಸುಪ್ರಿಯಾ ಕರಿ ಮುಡಿಗೆ ಕಿರೀಟ

ಹುಬ್ಬಳ್ಳಿ ನಿವಾಸಿ ಶ್ರೀಮತಿ ಸುಪ್ರಿಯಾ ಕರಿ ಧಾರವಾಡದ ಸುದಿಶಾ ಇವೆಂಟ್ಸ್ ನಡೆಸಿದ ಶ್ರೀಮತಿ ಹುಬ್ಬಳ್ಳಿ -2020 ನಡೆಸಿದ ಆನ್​ಲೈನ್​​ ಸ್ಪರ್ಧೆಯಲ್ಲಿ ವಿಜೇತರಾಗಿ ಶ್ರೀಮತಿ ಹುಬ್ಬಳ್ಳಿ ಕಿರೀಟವನ್ನು ಮುಡಿಗೇರಿಸಿಕೊಂಡಿದ್ದಾರೆ.

ಹುಬ್ಬಳ್ಳಿ: ಧಾರವಾಡದ ಸುದಿಶಾ ಇವೆಂಟ್ಸ್ ನಡೆಸಿದ 'ಶ್ರೀಮತಿ ಹುಬ್ಬಳ್ಳಿ-2020 ಆನ್​​ಲೈನ್ ಸ್ಪರ್ಧೆ'ಯಲ್ಲಿ ಭಾಗವಹಿಸುವ ಮೂಲಕ ನಗರದ ನಿವಾಸಿ ಸುಪ್ರಿಯಾ ಕರಿ ವಿಜೇತರಾಗಿದ್ದಾರೆ‌.

ಲಾಕ್​ಡೌನ್ ಸಂದರ್ಭದಲ್ಲಿ ಮಹಿಳೆಯರು ಮತ್ತು ಮಕ್ಕಳನ್ನು ದೃಷ್ಟಿಯಲ್ಲಿರಿಸಿಕೊಂಡು ಹಲವಾರು ಕಾರ್ಯಕ್ರಮಗಳನ್ನು ನಡೆಸಲಾಯ್ತು. ಅದರಂತೆ ಸೆ.13 ರ ಭಾನುವಾರದಂದು ಸುದಿಶಾ ಇವೆಂಟ್ಸ್ ವತಿಯಿಂದ ಶ್ರೀಮತಿ ಹುಬ್ಬಳ್ಳಿ-2020 ಆನ್ ಲೈನ್ ಸ್ಪರ್ಧೆ ಆಯೋಜಿಸಲಾಗಿತ್ತು. ಅದರಲ್ಲಿ ಸುಮಾರು 80 ಕ್ಕೂ ಹೆಚ್ಚು ಮಹಿಳೆಯರು ಭಾಗವಹಿಸಿದ್ರು.

ಈ ಸ್ಪರ್ಧೆಯಲ್ಲಿ ವಿಜೇತರಾದ ಶ್ರೀಮತಿ ಸುಪ್ರಿಯಾ ಕರಿ 'ಶ್ರೀಮತಿ ಹುಬ್ಬಳ್ಳಿ-2020' ಕಿರೀಟಮುಡಿಗೇರಿಸಿಕೊಂಡರೆ, ಶ್ರೀಮತಿ ಸ್ಮಿತಾ ಕೋರಂ ದೇಸಾಯಿ ಮತ್ತು ನಮಿತಾ ಎಂಬುವರು ರನ್ನರ್ ಅಪ್​ ಆಗಿ ಹೊರಹೊಮ್ಮಿದ್ರು. ಸ್ಪರ್ಧೆಯ ನಿರ್ಣಾಯಕರಾಗಿ ಮಾರ್ತಾಂಡಪ್ಪ ಕತ್ತಿ, ವಂದನಾ ಮುಳಗುಂದಮಠ, ಚಂದ್ರಿಕಾ ಕರವೀರಮಠ ಭಾಗವಹಿಸಿದ್ದರು.