ಪೊಲೀಸರಿಗೇ ಶಾಕ್.. ಸುಮ್ಮನೆ ಹೊರಗೆ ಬಂದೆ, ನಾನು ಸೋಂಕಿತ ಎಂದ ವ್ಯಕ್ತಿ​

ಕೊರೊನಾ ಸೋಂಕಿತ ಆಸ್ಪತ್ರೆಗೆ ಹೊರಟಾಗ ಪ್ರಶ್ನಿಸಿದ ಪೊಲೀಸರಿಗೆ ಮೊದಲು ಸುಮ್ಮನೆ ಹೊರಗಡೆ ಬಂದೆ ಎಂದ. ಬಳಿಕ ತಾನು ಸೋಂಕಿತ ಎಂದು ಹೇಳುವ ಮೂಲಕ ಶಾಕ್​ ನೀಡಿರುವ ಘಟನೆ ದಾವಣಗೆರೆಯಲ್ಲಿ ನಡೆದಿದೆ.

ದಾವಣಗೆರೆ: ಕೊರೊನಾ ಸೋಂಕಿತನೊಬ್ಬ ಪೊಲೀಸರ ತಲೆ ಬಿಸಿ ಮಾಡಿರುವ ಘಟನೆ ನಗರ ಶಾಮನೂರು ರಸ್ತೆ ಬಳಿ ನಡೆದಿದೆ.

ವ್ಯಕ್ತಿ ಸ್ಕೂಟಿಯಲ್ಲಿ ಆಸ್ಪತ್ರೆಗೆ ಹೊರಟಾಗ ಪೊಲೀಸರು ಹಿಡಿದು ಪ್ರಶ್ನಿಸಿದ್ದಾರೆ. ಇದಕ್ಕೆ ಸೋಂಕಿತ ಯುವಕ ಸುಮ್ಮನೆ ಬಂದಿದ್ದೇನೆ ಎಂದು ಹೈಡ್ರಾಮಾ ಮಾಡಿದ್ದಾನೆ. ಲಾಕ್​ಡೌನ್​ ಇದೆ ನಿಯಮ ಮೀರುತ್ತೀಯಾ ಎಂದು ಪೊಲೀಸರು ಗದರಿದ್ದಾರೆ.

ಆಗ ಆ ವ್ಯಕ್ತಿ ತಕ್ಷಣ ನಾನು ಸೋಂಕಿತ ಎಂದು ತಿಳಿಸಿದಾಗ ಪೊಲೀಸರು ಗಲಿಬಿಲಿಗೊಂಡಿದ್ದಾರೆ. ಬಳಿಕ ತಾನು ಆಸ್ಪತ್ರೆಗೆ ಹೋಗಬೇಕು ಎಂದು ಹೇಳಿದ ತಕ್ಷಣ ಸಂಚಾರಿ ಪೊಲೀಸರು ಸೋಂಕಿತನನ್ನ ಬಿಟ್ಟು ಕಳುಹಿಸಿದ್ದಾರೆ.