ದಾವಣಗೆರೆ: ತಾಲೂಕಿನ ಕಡ್ಲೆಬಾಳ್ಲು ಗ್ರಾಮ ಪಂಚಾಯಿತಿಯ ಮಾಳಗೊಂಡನ ಹಳ್ಳಿ(ಮಾಗನಹಳ್ಳಿ) ಕ್ಷೇತ್ರದಿಂದ ಅಭ್ಯರ್ಥಿಯೊಬ್ಬರು ಆರನೇ ಬಾರಿ ಗೆಲುವಿನ ನಗೆ ಬೀರಿದರು. ಪರಶುರಾಮ್ ಆರನೇ ಬಾರಿ ಗೆಲುವು ಸಾಧಿಸಿದ್ದು, ಈ ಗೆಲುವನ್ನು ತಮ್ಮ ಕ್ಷೇತ್ರದ ಜನರಿಗೆ ಅರ್ಪಿಸಿದರು.
ಪರಶುರಾಮ್ ಕಾಂಗ್ರೆಸ್ ಬೆಂಬಲಿತ ಅಭ್ಯರ್ಥಿಯಾಗಿದ್ದು, ಕ್ಷೇತ್ರದಲ್ಲಿ ಇವರು ಮಾಡಿದ ಅಭಿವೃದ್ಧಿ ಕೆಲಸ ಕಂಡು ಇಷ್ಟು ಬಾರಿ ಆರಿಸಿ ತಂದಿದ್ದಾರಂತೆ.
ಇದನ್ನೂ ಓದಿ : ಗ್ರಾಮ ಪಂಚಾಯತ್ ಚುನಾವಣೆಯಲ್ಲಿ ಗೆಲುವಿನ ನಗೆ ಬೀರಿದ ದಂಪತಿ
ಗೆಲುವಿನ ಬಳಿಕ ಮಾತನಾಡಿದ ಅವರು, ಮಾಜಿ ಸಚಿವ ಎಸ್.ಎಸ್.ಮಲ್ಲಿಕಾರ್ಜುನ್ ಅವರು ನೀಡಿದ ಅನುದಾನ ಹಾಗೂ ತಾವು ಮಾಡಿದ ಅಭಿವೃದ್ಧಿ ಕೆಲಸಗಳನ್ನು ಕಂಡು ಜನ ಇಷ್ಟು ಬಾರಿ ಆರಿಸಿ ತಂದಿದ್ದಾರೆ. ನೀಡಿದ ಭರವಸೆಗಳನ್ನು ಈಡೇರಿಸವ ಮೂಲಕ ಕ್ಷೇತ್ರವನ್ನು ಅಭಿವೃದ್ಧಿಯತ್ತ ಕೊಂಡೊಯ್ಯುವುದಾಗಿ ಪರಶುರಾಮ್ ಭರವಸೆ ನೀಡಿದರು.
