ಮಂಗಳೂರಿನಲ್ಲಿ ಅಡಿಕೆ ಕಳವು: ಮೂವರು ಆರೋಪಿಗಳ ಬಂಧನ

ತೋಟಕ್ಕೆ ನುಗ್ಗಿ ಅಡಿಕೆ ಕಳವು ಮಾಡಿದ ಮೂವರು ಆರೋಪಿಗಳನ್ನು ಉಪ್ಪಿನಂಗಡಿ ಪೊಲೀಸರು ಬಂಧಿಸಿದ್ದಾರೆ.

ಮಂಗಳೂರು: ತೋಟಕ್ಕೆ ನುಗ್ಗಿ ಅಡಿಕೆ ಕಳವು ಮಾಡಿದ ಮೂವರು ಆರೋಪಿಗಳನ್ನು ಉಪ್ಪಿನಂಗಡಿ ಪೊಲೀಸರು ಬಂಧಿಸಿದ್ದಾರೆ.

ಉಪ್ಪಿನಂಗಡಿ ನಳಿಕೆ ಮಜಲು ನಿವಾಸಿ ಚಂದ್ರಹಾಸ (23), ಉಪ್ಪಿನಂಗಡಿ ಕಜೆಕ್ಕಾರು ನಿವಾಸಿ ಜಗದೀಶ್ (24), ಉಪ್ಪಿನಂಗಡಿ ಪೆರಿಯಡ್ಕ ನಿವಾಸಿ ಯೋಗೀಶ್​ (18 ) ಬಂಧಿತರಾಗಿದ್ದಾರೆ.

ಜ. 31 ರಂದು ಪುತ್ತೂರು ತಾಲೂಕಿನ ಕಸಬಾ ಗ್ರಾಮದ ನೆಕ್ಕರೆ ಎಂಬಲ್ಲಿನ ರಾಜೇಶ್ ಎಂಬುವರ ತೋಟದಿಂದ ಹಣ್ಣು ಅಡಿಕೆಗಳನ್ನು ಕಳುವು ಮಾಡಿದ್ದರು. ಆರೋಪಿಗಳಿಂದ 25 ಸಾವಿರ ರೂ ಮೌಲ್ಯದ ಅಡಿಕೆ, ಎರಡು ದ್ವಿಚಕ್ರ ವಾಹನಗಳನ್ನು ಪೊಲೀಸರು ವಶಪಡಿಸಿಕೊಂಡಿದ್ದಾರೆ.